TomTom એક વ્હીકલ નેવિગેશન કંપની છે જે વાર્ષિક ટ્રાફિક ઇન્ડેક્સ બહાર પાડે છે. આ સર્વેમાં 57 દેશો, 6 ટાપુઓ અને 416 શહેરોને ધ્યાનમાં લેવામાં આવ્યા હતા જે પૈકી સૌથી વધુ કયા શહેરોમાં ટ્રાફિક જામ થાય છે તેનું લિસ્ટ બહાર પાડવામાં આવ્યું હતું. દુનિયાના 10 સૌથી વધુ ટ્રાફિક જામ થતા શહેરોમાં 4 શહેરો ભારતના છે. આ ચાર શહેરો બેગ્લોર, દિલ્હી, પુણે અને મુંબઈ છે.
આજના સમયમાં આપણે ઓફિસ માટે નીકળતા હોઈએ કે કોઈ કામ માટે ઘરથી નીકળતા હોઈએ ત્યારે પહેલું ટેન્શનએ થાય કે ટ્રાફિકમાં ન ફસાઈ જઈએ તો સારું. ભારત સહિત દુનિયામાં ટ્રાફિક એક માથાનો દુખાવો બની રહ્યો છે. છેલ્લા એક દાયકામાં ગાડીઓની વધતી સંખ્યાએ સમસ્યાને બદ્તર કરી દીધી છે. ભારતના મોટા શહેરોએ ટ્રાફિકની સમસ્યામાં બીજા દેશોના મોટા શહેરોને પાછળ મૂકી દીધા છે.
ભારતમાં ચીન અને અમેરિકા કરતા પ્રમાણમાં ઓછી ગાડીઓ વેચાય છે. પરંતુ ટ્રાફિકની સમસ્યા આપણે ત્યાં વધુ ગંભીર છે. દુનિયાના 10 સૌથી વધુ ટ્રાફિક જામ થતા શહેરોમાં 4 શહેરો ભારતના છે. આ ચાર શહેરો બેગ્લોર, દિલ્હી, પુણે અને મુંબઈ છે. બેંગ્લોર તો ટોપ 10 લિસ્ટમાં પહેલા સ્થાને છે.
TomTom એક વ્હીકલ નેવિગેશન કંપની છે જે વાર્ષિક ટ્રાફિક ઇન્ડેક્સ બહાર પાડે છે. આ સર્વેમાં 57 દેશો, 6 ટાપુઓ અને 416 શહેરોને ધ્યાનમાં લેવામાં આવ્યા હતા જે પૈકી સૌથી વધુ કયા શહેરોમાં ટ્રાફિક જામ થાય છે તેનું લિસ્ટ બહાર પાડવામાં આવ્યું હતું.
આ ડેટા મુજબ ટ્રાફિક જામની સૌથી વિપરીત અસરો ભારતમાં જોવા મળી રહી છે. ભારતના સિલિકોન વેલી ગણાતા બેંગ્લોરમાં ટ્રાફિક કૉન્જેશન 71% રહ્યું છે. 20 ઓગસ્ટ 2019ના રોજ બેંગ્લોરમાં વિક્રમજનક 103% કૉન્જેશન થઇ ગયું હતું. બેંગલોરમાં વર્ષના 243 કલાક એટલે જે પુરા 10 દિવસ 3 કલાક જેટલો સમય ટ્રાફિક જામમાં વેડફાઈ જાય છે.
મુંબઈ અને પુણેમાં અનુક્રમે 65% અને 59% જેટલું ટ્રાફિક કૉન્જેશન જોવા મળે છે. ભારતની રાજધાની દિલ્હી આ લિસ્ટમાં 8માં ક્રમે છે.
કૉન્જેશનની ટકાવારી શું છે?
કૉન્જેશન એ શહેરની આદર્શ ટ્રાફિક પરિસ્થિતિમાં ટ્રાવેલ કરતી વખતે લાગતા સમય કરતા કેટલો વધુ સમય લાગશે તેની ગણતરી કરે છે. ઉદાહરણ તરીકે 53% કૉન્જેશન લેવલ દર્શાવે છે કે ટ્રાફિક વિના ટ્રાવેલ કરતી વખતે લાગતા સમય કરતા ટ્રાફિક જામને કારણે 53% વધુ સમય લાગશે.