કોરોના સંકટમાં આપણી આસપાસની ચીજવસ્તુઓ વાયરસ મુક્ત રહે તે ખૂબ જરૂરી છે જેથી ચેપનું જોખમ ઘટાડી શકાય. આ માટે બેંગ્લોરની લોગ 9 મટિરિયલ્સ નામની એક કંપનીએ કોરોના ઓવન બનાવ્યું છે જેમાં તમે 10 મિનિટમાં તમારા માસ્ક, PPE કીટ, કરિયાણાનો સામાન, મોબાઈલ વગેરેને વાયરસમુક્ત બનાવી શકો છો.
આ ઓવનમાં UV-C લાઈટનો ઉપયોગ થાય છે જેની મદદથી જીવાણુઓ 10 મિનિટમાં નષ્ટ થઇ જાય છે
આ ઓવનની મદદથી માસ્ક, PPE કીટનો ફરી વપરાશ થઇ શકશે તેવી આશા
10 મિનિટમાં તમારો સામાન વાયરસ મુક્ત
બહારથી સામાન લઇને ઘરે આવતાની સાથે જ આપણને હવે વસ્તુઓને સાફ કરવાની આદત પડી ચુકી છે. જો કે મોટી કંપનીઓ હાથેથી તમામ માલસામાન સાફ કરે તે શક્ય નથી. આ ઉપરાંત આ પ્રક્રિયા સમય માંગી લે તેવી છે અને બરાબર સફાઈ થઇ શકતી નથી.
આ સગવડ માટે બેંગ્લોરની લોગ 9 મટિરિયલ્સ નામની એક કંપનીએ કોરોના ઓવન બનાવ્યું છે જેમાં તમે 10 મિનિટમાં તમારા માસ્ક, PPE કીટ, કરિયાણાનો સામાન, મોબાઈલ વગેરેને વાયરસમુક્ત બનાવી શકો છો.
નેનો ટેકનોલોજી, રેપિડ પ્રોટોટાઈપીંગ જેવી ટેકનોલોજીથી બન્યું આ ઓવન
આ ઓવનમાં UV-C લાઈટનો ઉપયોગ થાય છે જેની મદદથી કોરોના વાયરસ અને અન્ય જીવાણુઓ 10 મિનિટમાં નષ્ટ થઇ જાય છે. આ કંપનીના CEO અક્ષય સિંઘલના જણાવ્યા મુજબ આ ઓવન બનાવવા માટે કોરોના પ્રકારના વાયરસના માળખાને ધ્યાનમાં રાખવામાં આવ્યો હતો. નેનો ટેકનોલોજી, રેપિડ પ્રોટોટાઈપીંગ જેવા વિજ્ઞાનના નિયમો વડે અમે આ ડિસઇન્ફેક્ટન્ટ ઓવન બનાવ્યું છે.
આ ઉત્પાદન બેટરી અને પ્લગ એમ બંને વડે ચાલુ શકે છે. આ ઉત્પાદનની પેટન્ટને નોંધણી માટે આપવામાં આવી છે. એવી પણ આશા રખાય છે કે મશીનના પગલે હવે માસ્ક, PPE કીટ વગેરેને એક વપરાશ પછી ફેંકી નહીં દેવું પડે અને તેનો ફરીથી વપરાશ કરી શકાશે.
આ ઉત્પાદન પહેલેથી જ સરકારની GEM (E-Marketplace) નામની ઓનલાઈન માર્કેટ પ્લેસ ઉપર લિસ્ટ કરવામાં આવ્યું છે. આ ઉત્પાદનને મોટા પાયે લોકો સુધી પહોંચાડવા માટે સરકારી એજન્સીઓ, હેલ્થ કેર વિભાગ અને અન્ય ખાનગી કંપનીઓ સાથે વાતચીત ચાલી રહી છે.