બેરેક નંબર 15 / ૩ વાર રુટ બદલીને પંજાબની જેલમાંથી ઉત્તરપ્રદેશની બાંદા જેલ લઈ જવાયો મુખ્તાર અંસારીને, યોગી સરકાર જેલમાં નહીં આપે સ્પેશિયલ સુવિધા

• મુખ્તાર અંસારી બાંદા જેલ પહોંચ્યો
• બેરેક નંબર 15માં રહેશે અંસારી
• મુખ્તાર વિરુદ્ધ દાખલ છે 52 કેસ
• પંજાબની રોપડ જેલથી ટ્રાન્સફર કર્યો

આજે વહેલી સવારે કડક સુરક્ષાની સાથે મુખ્તાર અંસારી ઉત્તરપ્રદેશની બાંદા જેલમાં પહોંચ્યો છે. અહીં મુખ્તાર અંસારીને બેરેક નંબર 15માં રાખવામાં આવશે. પંજાબની રોપડ જેલથી અંસારીને બાંદા જેલ લાવવામાં આવ્યો છે. મુખ્તાર અંસારીની પત્નીએ ફેક એન્કાઉન્ટરની આશંકા વ્યક્ત કરી હતી. સુપ્રીમ કોર્ટમાં પંજાબથી ઉત્તરપ્રદેશ ટ્રાન્સફર કરવાની માંગ કરી હતી. ઉત્તરપ્રદેશમાં મુખ્તાર વિરુદ્ધ કુલ 52 કેસ દાખલ છે અને સાથે જ મુખ્તાર અંસારી ગેંગના 96 સભ્યની પણ ધરપકડ થઈ છે. મુખ્તારની 192 કરોડથી વધુની સંપત્તિ જપ્ત અને તોડવાની કાર્યવાહી પણ થઈ છે.

14 કલાક અને 30 મિનિટે 900 કિમીના સફર બાદ પહોંચ્યો
2 વર્ષ બાદ પૂર્વાંચલ માફિયા ડોન અને વિધાયક મુખ્તાર અંસારી ફરી બાંદા જેલ પહોંચ્યો છે. લગભગ 900 કિમીના અંતરને યૂપી પોલિસે 14 કલાક અને 30 મિનિટમાં પૂરું કર્યું છે. બુધવારે વહેલી સવારે 4.30 મિનિટે મુખ્તાર અંસારીને ગેટ નંબર 2થી બાંદા જેલમાં પ્રવેશ અપાયો. હવે તેનું નવું સરનામું બેરેક નં 15 છે. સુરક્ષાને ઘ્યાનમાં રાખીને અંસારીને બુલેટ પ્રફ જેકેટ પણ પહેરાવાયું હતું. સાથે જ આ સફરમાં 3 વાર રૂટ પણ બદલવામાં આવ્યો હતો. 

We were tasked to bring him (gangster-turned-politician Mukhtar Ansari) here (to Banda jail). He was brought here late in the night: Satya Prakash Sharma, CO Sadar

The BSP MLA was ferried in an ambulance amidst tight security from Punjab's Rupnagar jail to Uttar Pradesh pic.twitter.com/SycRpvCwyy

— ANI UP (@ANINewsUP) April 7, 2021

જેલમાં નહીં મળે કોઈ સ્પેશ્યલ ટ્રીટમેન્ટ
મળતી માહિતી અનુસાર બાંદા જેલની સુરક્ષા વ્યવસ્થાને ખૂબ જ સતર્ક બનાવાઈ છે. જેલમાં મુખ્તારને કોઈ સ્પેશ્યલ ટ્રીટમેન્ટ પણ અપાશે નહીં.  તેને સામાન્ય કેદીની જેમ જ રખાશે. બેરેક નંબર 15 તન્હાઈ સેલ છે. જ્યાં અન્ય કોઈ કેદી પણ મુખ્તારની સાથે હશે નહીં. મુખ્તારના યૂપીથી આવવાથી લઈને અનેક કેસમાં સુનાવણી કરાશે, રોપડ જેલમાં અનેક કેસનું ટ્રાયલ પણ શરૂ થઈ શક્યું નથી.  

અંસારીને આ રસ્તે લવાયો બાંદા
આ પહેલા ભારે સુરક્ષાની વચ્ચે મુખ્તારને લીને યૂપી પોલિસ સાંજે 6 વાગે યૂપીની સીમામાં પ્રવેશ કરી ચૂકી હતી. મુખ્તારની એમ્બ્યુલન્સની આગળ પાછળ અને સાઈડમાં પણ પોલિસના વાહનોનો કાફલો રહ્યો હતો. પોલીસના કાફલાની પાછળ મીડિયાની ગાડીઓ ચાલી રહી હતી. મુખ્તારને લઈને પોલીસનો કાફલો પંજાબ પછી યમુના એક્સપ્રેસ વે અને પછી ઈટાવા બાદ કાનપુરના પહેલા ઘાટમ પુરના રસ્તે બાંદા પહોંચ્યો. 

3 વાર બદલ્યો રૂટ
 મુખ્તારને પંજાબથી લાવતી સમયે 3 વાર રૂટ બદલવામાં આવ્યો. પહેલા ઈટાવાના બાદ કાનપુર દેહાતના સિકંદરાથી અચાનક રૂટ બદલી દેવાયો હતો. રાતે દોઢ વાગે સિકંદરા પહોંચેલા કાફલાએ અચાનક ભોગનીપુરની તરફ વળાંક લીધો. સિકંદરાથી કાફલો રાજપુર થઈને ભોગનીપુર અને અહીંથી મૂસાનગર થઈને ઘાટમપુર અને હમીરપુર પહોંચ્યો. અહીં અચાનક પોલીસની ગાડીઓ ભરુઆ સુમેરપુરની તરફ વળી.