નિધન / ટોટાણા આશ્રમના સંતશ્રી સદારામ બાપુ દેવલોક પામ્યા

સદારામ બાપુની નાજુક તબિયત બાદ તેમનું અવાસન થયું છે. તેમની સારવાર ચાલી રહી હતી. ત્યારે હાલ લાંબા સમયથી બિમાર સદારામ બાપુ દેવલોક પામ્યા છે.

મહત્વનું છે કે, અગાઉ ઠાકોર સમાજના સંતશ્રી સદારામ બાપુના અવસાનની અફવા ફેલાઇ હતી. જેને લઇને આશ્રમમાં ભક્તોના ટોળા એકત્રિત થયા હતા. જોકે હવે તેમનું બિમારી બાદ નિધન થયું છે.

આવતીકાલે સવારે 6 વાગ્યે નીકળશે પાલખી યાત્રા
​બનાસકાંઠામાં આવતીકાલે સદારામ બાપાની પાલખી યાત્રા નીકળશે. આવતીકાલે સવારે 6 વાગ્યે પાલખી યાત્રા નીકળશે. સવારે 6 વાગ્યાથી બપોરે 4 વાગ્યા સુધી થરામાંથી પાલખી યાત્રા નીકળશે. સાંજે 4 વાગ્યે તેમના આશ્રમ ખાતે અગ્નિસંસ્કાર કરવામાં આવશે.

સંતશ્રી સદારામ બાપુ કાંકરેજ તાલુકામાં નહી પરંતુ સમગ્ર ગુજરાતમાં ઓલિયા તરીકે પુજાય છે. લોકોની સેવાની સાથે સાથે પ્રભુ ભકિત પણ કરે છે. સતત ભકિતમાં લીન રહેતો ઓલિયો એક ઠાકોર સમાજની નહી તેની સાથે બીજી તમામ સમાજોમાં આસ્થા અને શ્રધ્ધાનુ કેન્દ્ર છે.