બનાસકાંઠામાં મુકબધિર સગીરાના રેપ વીથ મર્ડરનો મામલે ચોંકાવનારો ખુલાસો થયો છે. સગીરાની તાંત્રિક વિધી માટે હત્યા કરાઇ હોવાની શંકા સેવાઈ રહી છે. મૃતદેહ પાસેથી લોહીમાં લથપથ ગ્લાસ મળી આવ્યો હતો.
બનાસકાંઠા સગીરાના રેપ વીથ મર્ડરનો મામલો
તાંત્રિક વિધી માટે હત્યા કરાયાની શંકા
મૃતદેહ મળ્યો ત્યાં નાનું મંદિર પણ હતું
બનાસકાંઠામાં મુકબધિર સગીરાના રેપ વીથ મર્ડરનો મામલે ચોંકાવનારો ખુલાસો થયો છે. સગીરાની તાંત્રિક વિધી માટે હત્યા કરાઇ હોવાની શંકા સેવાઈ રહી છે. મૃતદેહ પાસેથી લોહીમાં લથપથ ગ્લાસ મળી આવ્યો હતો. અમાવસની રાત્રે સગીરાનું માથુ કાપી હત્યા કરવામાં આવી હતી. મૃતદેહ મળ્યો તે જગ્યાએ નાનું મંદિર પણ હતું. હત્યામાં વધુ આરોપીઓ સંડોવાયેલા હોય તેવી શક્યતાઓ છે. હાલ એક આરોપીની ધરપકડ કરી છે. હત્યાના મુળ સુધી પહોંચવા પોલીસે સ્પેશિયલ ટીમ બનાવી. તાંત્રિક વિધી કરનાર આરોપીની પણ અટકાયત કરવામાં આવી છે.
વેપારીઓ પાળ્યો સ્વંભૂ બંધ
બનાસકાંઠાની મૂકબધિર કિશોરીની ક્રુર રીતે કરાયેલી હત્યાના વિરોધમાં સોમવારે ડીસા શહેરના વેપારીઓ દ્વારા આ કંલકીત ઘટનાના વિરોધમાં અને હત્યારાને કડકમાં કડક સજા મળે તે હેતુથી સ્વેચ્છાએ પોતાના ધંધા રોજગાર બંધ રાખી પોતાનો વિરોધ નોંધાવ્યો હતો. સોમવારે ડીસા નાયબ કલેક્ટરની કચેરી ખાતે ડીસાના એકલવ્ય યુવા સંગઠન , હિન્દુ યુવા સંગઠન, અખંડ ભારત રાષ્ટ્રીય સંઘ સંગઠન, રાષ્ટ્ર શક્તિ એકતા મંચ, બનાસકાંઠા હિન્દુ યુવા સંગઠન, સહિત વિવિધ સંગઠનો દ્વારા કલેકટર કચેરી ખાતે આવેદનપત્ર આપી હત્યારાને ફાંસીની સજાની માંગ કરવામાં આવી હતી. રાષ્ટ્ર શક્તિ એકતા મંચના જિલ્લા અધ્યક્ષ સુનિતાબહેન પઢીયાર દ્વારા આ ઘટનાની તટષ્ઠ તપાસ કરી હત્યારાને મૃત્યુ દંડની સજા થાય તેવી રજૂઆત કરાઇ હતી.
પોલીસે આરોપીની ધરપકડ કરી બળાત્કાર તેમજ પોક્સો એક્ટ મુજબ કાયદેસરની કાર્યવાહી હાથધરી
બળાત્કાર અને હત્યાના ગુનાઓમાં નોંધપાત્ર વધારો થયો છે. દાંતીવાડા તાલુકાના મોટી ભાખર ગામે સગા ફોઈના દીકરાએ પોતાની મામાની દીકરી સાથે બળાત્કાર કરી ગળુ કાપીને મોતને ઘાટ ઉતારી. સમગ્ર ઘટનાની જાણ થતાં દાંતીવાડા પોલીસે આરોપીની ધરપકડ કરી બળાત્કાર તેમજ પોક્સો એક્ટ મુજબ કાયદેસરની કાર્યવાહી હાથધરી છે.
મામાના દીકરાએ જ શિકાર બનાવી
પોતાની શારીરિક હવસ સંતોષવા માટે ફોઈના દીકરાએ મામા ની દીકરી ને પીંખી નાખી. વાત છે દાંતીવાડા તાલુકાના મોટી ભાખર ગામ ની કે જ્યાં એક બાર વર્ષની સગીરા સાથે દુષ્કર્મ બાદ હત્યા કરી દેવામાં આવી. એક દિવસ અગાઉ ગુમ થયેલી બહેરી મૂંગી હની માળી ને ગુમ થયા મામલે દાંતીવાડા પોલીસને જાણ કરવામાં આવી હતી. જે બાદ વહેલી સવારે મોટી ભાખર ગામની સીમમાંથી એક સગીરાનું ગળું કાપી હત્યા કરેલી લાશ મળી આવી હતી. જે મામલે પોલીસે તપાસ કરતા પોલીસને હની માળી ની લાશ હોવાનું સામે આવ્યું. સગીરાની પ્રથમ દ્રષ્ટિએ જ હત્યા કરી હોવાનું સામે આવતા જિલ્લાની એલસીબી, દાંતીવાડા પોલીસ, ડીસા ઉત્તર તેમજ રૂરલ પોલીસ સહિત ડીસા ડિવિઝનના મોટાભાગના અધિકારીઓ ગુના ના આરોપીને શોધવા માટે કામે લાગ્યા હતા. જે મામલે સીસીટીવી ફૂટેજના આધારે પોલીસે આરોપીને સત્વરે ઝડપી પાડયો હતો. પોતાની બાઈક પાછળ બેસાડી આરોપી બહેરી મૂંગી અને લઈ જતો માલુમ પડતાં જ પોલીસે આરોપી નિતીન માળીની ધરપકડ કરી કાયદેસરની કાર્યવાહી હાથધરી છે.
છરી વડે નીતિને હની નું ગળું કાપી હત્યા કરી હોવાનું પ્રાથમિક તારણ
સમગ્ર ઘટનાની વાત કરવામાં આવે તો હની અને નીતિન મામા ફોઈના દીકરા છે. હની બાળપણથી જ બેહરી અને મૂંગી હતી. જ્યારે નિતીન ની ઉંમર 25 વર્ષ જેટલી થઇ ગઇ હોવા છતાં હજુ સુધી લગ્ન થયા ન હતાં. પોતાની શારીરિક સુખ સંતોષ માટે તેણે પોતાની મામાની દીકરી ને જ પોતાના હવસનો શિકાર બનાવી. હની સાથે બળાત્કાર ગુજાર્યા બાદ નિતીન ને ડર હતો કે તેના ગુનો બહાર આવશે તો મોટી મુશ્કેલી સર્જાશે. જે ડર ના કારણે છરી વડે નીતિને હની નું ગળું કાપી હત્યા કરી હોવાનું પ્રાથમિક તપાસમાં બહાર આવ્યું છે.
સમાજ માટે સૌથી ચિંતાજનક કિસ્સો
ક્રૂર અને ઘાતકી કહી શકાય તેવી હત્યાના પગલે સમગ્ર પંથકમાં રોષ વ્યાપ્યો હતો. સ્થાનિક લોકોની માંગ છે કે આ પ્રકારના નરાધમને ફાંસીની સજા થવી જોઈએ. ઘટનાની ગંભીરતાને પગલે ગુજરાત આવેલા રાષ્ટ્રીય મહિલા આયોગના સદસ્ય રાજુલબેન દેસાઈએ પણ ઘટના સ્થળની મુલાકાત લઇ પરિસ્થિતિનો તાગ મળ્યો હતો. જે પ્રકારે મહિલાઓ પર અને ખાસ કરીને સગીર બાળા ઉપર અત્યાચાર અને બળાત્કારના બનાવો વધી રહ્યા છે તે સમાજ માટે સૌથી ચિંતાજનક છે.
શારીરિક હવસ સંતોષવા હવે ખૂન ના સંબંધો પણ મરી પરવાર્યા છે. દાંતીવાડા તાલુકાના ભાખર ગામ ની આ ઘટનાએ સમગ્ર પંથકમાં ચકચાર મચાવી છે. જોવાનું એ રહેશે કે પોલીસ તપાસમાં આરોપી નિતીન માળી વધુ ખુલાસા કરે છે.
કેન્ડલ માર્ચ યોજાઈ હતી
મોટી ભાખર ગામે મૂકબધીર સગીરા ની હત્યા મામલે ડીસા માલગઢ ખાતે કેન્ડલ માર્ચ યોજાઈ હતી. મૃતકની આત્માને શાંતિ મળે તે માટે કેન્ડલ માર્ચ પણ યોજાઈ હતી. કેન્ડલ માર્ચમા મોટી સંખ્યાં મા લોકો ઉમટયા હતા. માળી સમાજના આગેવાનો સહિત ડીસાના નાગરિકો મોટી સંખ્યામાં જોડાયા હતા.