Video / વાવ બેઠક પર રાજકીય પક્ષોના દાવા વચ્ચે ભુવાજીના વીડિયોએ જગાવી ચર્ચા, કર્યો માવજી પટેલની જીતનો દાવો

Mavji Patel Video : બનાસકાંઠા જિલ્લાની વાવ વિધાનસભા પેટાચૂંટણીનું મતદાન પૂર્ણ થઈ ચૂક્યું છે. આ તરફ હવે ચૂંટણીનું પરિણામ આગામી 23 તારીખે આવનાર છે. જોકે આ બધાની વચ્ચે રાજસ્થાનના એક ભૂવાનો વિડીયો સોશિયલ મીડિયામાં વાયરલ થઈ રહ્યો છે. આ વિડીયોમાં રાજસ્થાનના ભૂવાએ વાવ વિધાનસભાની પેટાચૂંટણીમાં અપક્ષ ઉમેદવારની જીતની આગાહી કરી છે. આ સાથે ન માત્ર જીતની આગાહી પણ મોટા માર્જિન સાથે જીતનો દાવો કર્યો છે.

ઉત્તર ગુજરાતના બનાસકાંઠા જિલ્લાની 07-વાવ વિધાનસભા મતવિસ્તારની પેટા ચૂંટણીનું શાંતિપૂર્ણ માહોલમાં મતદાન પ્રક્રિયા પૂર્ણ થયું હતું. આ દરમિયાન તમામ 10 ઉમેદવારોના ભાવિ EVMમાં કેદ થયા છે. આ સાથે હવે આ ચૂંટણીનું પરિણામ આગામી 23મીએ આવવાનું છે.

વધુ વાંચો : વડોદરામાં પણ ખ્યાતિ હોસ્પિટલ જેવું કૌભાંડ બહાર આવે તેવી શક્યતા, સામે આવ્યું આયુષ્માન કાર્ડનું કનેક્શન

આ તરફ વાવ બેઠક પર રાજકીય પક્ષોના જીતના દાવા વચ્ચે ભૂવાના વીડિયોએ ચર્ચા જગાવી છે. વાસ્તવમાં રાજસ્થાનના ખારાના ભૂવાએ અપક્ષ ઉમેદવાર માવજી પટેલની જીતનો દાવો કર્યો છે. આ ભૂવાએ 30 હજારથી વધુ મતે માવજી પટેલની જીતની આગાહી કરી છે. આ તરફ સોશિયલ મીડિયામાં વીડિયો વાયરલ થતાં રાજકારણ તેજ બન્યું છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ