વર્ષો બાદ ચાર એકરમાં ટપક પધ્ધતિથી શેરડી નું સફળ વાવેતર કરી બનાસકાંઠા જિલ્લા ના વડગામ તાલુકાના જલોત્રા ગામ ના પ્રગતિશીલ ખેડૂતે આ શેરડી માંથી કેમિકલ યુક્ત ગોળ બનાવવાનું યુનિટ શરૂ કર્યું છે. દેશી ગોળ અને રાબડીયા નો ગોળ નહીં નફો નહીં નુકસાનના ધોરણે કેમિકલ વિનાનો ગોળ લોકોને મળી રહે તે માટે એક નવી પહેલ કરી છે.
બનાસકાંઠા ખેડૂતે ટપક પદ્ધતિથી શેરડીનું ઉત્પાદન કર્યું
શેરડીમાંથી કેમિકલ મુક્ત ગોળ બનાવયો
30 વર્ષ બાદ બનાસકાંઠામાં શેરડીનું વાવેતર
બનાસકાંઠાનો વડગામ તાલુકા નો ધાણધાર પંથક 40 વર્ષ અગાઉ શેરડીના ઉત્પાદન માટે જાણીતો હતો મોટા પ્રમાણમાં શેરડીનું તેમજ કઠોળ ના પાકો નું ઉત્પાદન આ વિસ્તારમાં થતું હતું. જ્યારે શેરડી ના પાક માંથી આરોગ્યપ્રદ ગોળ બનતો હતો. જો કે સમય વિતતા આ વિસ્તારમાં પાણીના તળ ઊંડા જતા ખેડૂતો મુશ્કેલ માં મુકાયા. પાણીની અછતને લઇ શેરડીનું તેમજ અન્ય કઠોળ જેવા પાકોનું ઉત્પાદન લુપ્ત થઈ ગયું હતું. પરંતુ ખેડૂત ઘેમરભાઈ ભટોળે નવી પહેલ કરી છે.
30 વર્ષ બાદ શેરડીનું વાવેતર
30 વર્ષો બાદ વડગામ તાલુકાના જલોત્રા ગામના પ્રગતિશીલ ખેડૂતે ટપક પદ્ધતિથી શેરડીનું ઉત્પાદન કરવાની પહેલ કરી. અને શેરડીનું વાવેતર કર્યું. ટપક પદ્ધતિથી શેરડીનું વાવેતર આ વિસ્તારમાં પ્રથમ વાર હતું. પરંતુ અથાગ પ્રયત્નો થકી આ વાવેતર સફળ રહ્યું.
કેમિકલ રહિત ગોળ બનાવવની શરૂઆત
શેરડી વાવ્યા ના બીજા વર્ષે હવે શેરડી કાપી ને તેનો રસ કાઢી રાબડિયો ગોળ તેમજ ખાવા માટે કોરો ગોળ બનાવવાનું ચાલુ કર્યું છે. કેમિકલ રહિત ગોળ મોટી સંખ્યા માં લોકો હાલ લઇ જઇ રહ્યા છે. ખેડૂત ઘેમરભાઈ ભટોળ નું એક સ્વપ્ન હતું કે આ વિસ્તારમાં લોકો ને પહેલાં ની જેમ કેમિકલ રહતિ ગોળ મળે તે માટે નહિ નફો કે નુકશાન ન ધોરણે હાલ જે લોકો ગોળ લેવા આવે તેમને આપી રહ્યા છે. અને લોકો પણ મોટી સંખ્યામાં આ ગોળ ખાવા માટે લઇ જઇ રહ્યા છે.
ટપક પધ્ધતિથી પ્રથમવાર શેરડીનું ઉત્પાદન
બનાસકાંઠા માં છેલ્લા કેટલાય વર્ષો થી ટપક તેમજ ફુવારા પધ્ધતિથી ખેડૂતો ખેતી કરી રહ્યા છે.દાડમ ઘઉં દિવેલા મગફળી જેવા પાકો તો થઈ રહ્યા છે. પરંતુ ઉત્તર ગુજરાતમાં કદાચ પ્રથમ વાર ટપક પદધતિથી શેરડીનું વાવેતર ખેડૂત દ્વારા કરવામાં આવ્યું છે. જેમાં ખેડૂત ને સફળતા મળી છે.
કોલ્હાપુર પદ્ધતિથી ગોળ બનાવતું યુનિટ
શેરડીમાંથી કોલ્હાપુરી પદ્ધતિથી લોકોના સ્વાસ્થ્ય ,માટે સારો એવો કેમિકલ મુક્ત ગોળ બનાવવાનું ખેડૂતે નક્કી કર્યું છે. અને આ ખેડૂતે વાવેલી શેરડી થકી લોકોને નહીં નફો નહીં નુકસાનના ધોરણે શરીર માટે આરોગ્ય પદ ગોળ મળી રહે તે હેતુ થી 1 કિલો 2 કિલો 5 કિલો ના દેશી ગોળ ના રવા બનાવ્યા છે. તેમજ રાબડીયા નો ગોળ પણ ખુબજ માત્રા માં લોકો હાલ લઇ જઇ રહ્યા છે. આ ખેડૂતે ટપક પદ્ધતિથી શેરડીનું ઉત્પાદન કરી અને દેશી ગોળ બનાવવાનુ યુનિટ ચાલુ કરી અને પ્રગતિશીલ ખેડુતની વ્યાખ્યા માં વધારો કર્યો છે અને આના કારણે અન્ય ખેડૂતો ને પણ એક મોટી પ્રેરણા મળી છે.