શિક્ષણમંત્રીના કાર્યક્રમ માટે બાળકોને ખુલ્લી જીપ લઇ જવાયા VIDEO થયો વાયરલ

બનાસકાંઠાના ભાભરમાં શિક્ષણમંત્રીના કાર્યક્રમમાં જીવના જોખમે વિદ્યાર્થીઓને ખુલ્લી જીપમાં લઇ જવાતા હોવાનો વીડિયો સામે આવ્યો છે. જયાં આ વીડિયોમાં સ્પષ્ટ દેખાઇ છે કે જીપમાં વિધાર્થીઓને ખીચોખીચ ભરીને લઇ જાય છે. 

શિક્ષણમંત્રીના કાર્યક્રમમાં સલામતીના નિયમો નેવે મુકીને વિદ્યાર્થીઓને ખુલી જીપમાં લઇ જવામાં આવ્યા હતા. પોલીસની હાજરીમાં ટ્રાફિક નિયમના ધજાગરા ઉડતા તંત્ર સામે અનેક સવાલો ઉભા થાય છે.

શું મંત્રીશ્રીના કાર્યક્રમમાં સંખ્યા દર્શાવવા ફરજ પાડી. મંત્રીશ્રીના કાર્યક્રમમાં હાજરી આપવા આદેશ હતો..? અકસ્માત થાય તો જવાબદારી કોની...? વિદ્યાર્થીઓને ખુલ્લા વાહનોમાં કોણે મોકલ્યા. તે અંગે જવાબદાર અધિકારીઓ સામે લેવાશે પગલા...? જેવા અનેક સવાલો ઉભા થયા હતા.