બનાસકાંઠા: વાવ તાલુકામાં આવેલા રાછેણા ગામમાં છેલ્લા એક સપ્તાહથી પીવાનું પાણી ન મળતા સ્થાનિકો પરેશાન થયા છે. એક સપ્તાહથી પીવાનું પાણી ન મળતા સ્થાનિકો દ્વારા પાણી પુરવઠા વિભાગમાં રજૂઆત કરી હતી.ત્યાર બાદ પાણી પુરવઠા વિભાગ દ્વારા ગામમાં પાણીનુ ટેન્કર મોકલવામાં આવ્યું.
મહત્વનું છે કે આ ગામમાં પાણીની પાઈપલાઈનો લગાવવામાં આવી છે પરંતુ તે પાઈપલાઈનમાં હજી સુધી પાણી પહોંચી શકતું નથી. જેના કારણે સ્થાનિકોને હાલાકીનો સામનો કરવો પડી રહ્યો છે.
ઉલ્લેખનીય છે કે આખરે ગામ લોકોએ પાણી પુરવઠાને ઉગ્ર રજૂઆતો કરતા પાણી પુરવઠા દ્વારા પાણી પહોંચાડવા ટેન્કર મૂકવાની ફરજ પડી હતી. જો કે ગામ માટે પીવાના પાણીના ટેન્કર આવતાની સાથે જ લોકો પાણી
મેળવવા કરી રહ્યા છે પડાપડી. તેવા દ્રશ્યો જોવા મળ્યા હતા.
પાણી મેળવવા મહિલાઓ એટલી ઉગ્ર બને છે કે તેમને તેમના કપડાંઓનું પણ ધ્યાન રહેતું નથી પુરુષો ટેન્કરો ઉપર ચઢી પાણી મેળવવા પ્રયાસ કરી રહ્યા છે રાજ્ય સરકાર ભલે દાવા કરતા હોય કે પાણી પુરૂ પાડવામાં આવે
છે. જોકે વાવ તાલુકાના સરહદી ગામડાઓની વાસ્તવિકતા કંઈક અલગ જ છે. ચૂંટણી સમયે મત માંગવા આવેલા નેતાઓ ચૂંટણી જીત્યા બાદ ગામમાં ફરકતા પણ નથી.
ગામ લોકોની સમસ્યા સાંભળવા આવતા પણ નથી. જેને લઈને ગામલોકોમાં ભારે રોષ વ્યાપી ગયો હતો. જો કે પાણી પુરવઠાની ઘોર બેદરકારી બહાર આવતાં લોકોમાં ભારે રોષની લાગણી જોવા મળી હતી. રાજનગરમાં
પીવાના પાણીની ભારે વિકટ સમસ્યા સર્જાઈ હોઈ આ અંગે જિલ્લા કલેક્ટર સત્વરે યોગ્ય પગલાં ભરે પીવાના પાણીની સમસ્યાનો હલ કરાવે તેવી લોકમાંગ ઉઠી છે.