બનાસકાંઠા: એક તરફ બનાસકાંઠા જિલ્લામાં વરસાદ પડી રહ્યો નથી. ત્યારે વારંવાર કેનાલમાં ગાબડા પડવાના બનાવો સામે આવી રહ્યા છે. ત્યારે એક જ અઠવાડિયામાં કેનાલમાં ગાબડા પડયાની અમે તમણે ત્રણ તસવીર બતાવી જઈ રહ્યા છે.
આ તરફ બનાસકાંઠાના સનસેડા ગામની માઈનોર કેનાલમાં 10 ફૂટનું ગાબડું પડ્યુ છે. કેનાલમાં ગાબડું પડતા ખેતરોમાં પણી ફરી વળતા પાકનું મોટાપાયે ધોવાણ થયું છે.
તો બીજી તસવીરમાં જુઓ ભાભરમાં તંત્રની ઘોર બેદરકારી સામે આવી છે.મીઠા માઈનોર કેનાલની સફાઈની કામગીરી દરમિયાન 3 ફૂટનું ગાબડું પડયું છે.અધિકારીઓ ઘટનાસ્થળે ન આવતા ખેડૂતોએ જાતે જ કેનાલની સફાઈ કામગીરી હાથ ધરી હતી. કેનાલમાં ગાબડું પડતા હજારો લીટર પાણીનો વેડફાટ થયો હતો.
ઉલ્લેખનીય છે કે બનાસકાંઠા જિલ્લાના થરાદમાં દૈવય ડિસ્ટ્રીબ્યુટર કેનાલમાં 15 ફૂટનું ગાબડું પડયું છે. ગાબડા પડવાના લીધે આજુબાજુના ખેતરોમાં પાણી ફરી વળ્યા છે.
ચોમાસાના પાકનું ધોવાણ થતાં ખેડૂતોમાં ઉગ્ર રોષ ફેલાયો છે અને ખેતરોમાં પસાર થતી ડિસ્ટ્રીબ્યુટર કેનાલમાં ગાબડું પડયું છે. મહત્વપૂર્ણ છે કે વારંવાર કેનાલમાં ગાબડા પડે છે છતાં સિંચાઈ વિભાગ દ્વારા કોઈ પગલા લેવામાં આવતા નથી. અને અધિકારીઓ ઘટનાસ્થળની મુલાકાત પણ લેતા નથી.