તૈયારી રાખજો / ગાડી હવે રતનપુર બોર્ડર જવાની હોય તો ચેતી જજો, નહીંતર લેવાના દેવા પડી જશે

• થર્ટીફર્સ્ટને લઇ બનાસકાંઠા જિલ્લા પોલીસ એલર્ટ
• રાજસ્થાનને લગતી બોર્ડર પર ચુસ્ત બંદોબસ્ત
• રાજસ્થાન-અમીરગઢ બોર્ડર પર પોલીસનું સઘન ચેકિંગ

આગામી સપ્તાહ દરમ્યાન થર્ટી ફર્સ્ટને લઇ દારૂ તેમજ અન્ય માદક દ્રવ્યો ગુજરાતમાં ન ઘૂસાડવામાં આવે તે માટે પોલીસ રાત દિવસ રતનપૂર બોર્ડર પર ચેકીંગ હાથ ધર્યું છે.મહત્વનું છે કે ગુજરાતમાં રાજસ્થાન સહિત અન્ય રાજ્યો માં થી મોટા પ્રમાણ માં દારૂ ઘુસાડવામાં આવતો હોય છે. ત્યારે બનાસકાંઠા SPની સૂચના અનુસાર જિલ્લાની અમીરગઢ,ગુન્દ્રી, ખોડા, તેમજ નેનાવા બોર્ડર પર પોલીસે પેટ્રોલિંગ સહિત સઘન ચેકીંગ હાથ ધર્યું હતું. 

બોર્ડર પર બ્રેથ એનેલાઈઝર દ્વારા તપાસ કરાશે
રાજસ્થાનને જોડતી તમામ બોર્ડરો પર પોલીસ ચેકપોસ્ટ બનાવી જિલ્લા પોલીસે 10 વિવિધ ટીમો બનાવી છે. દારૂ સહિતના માદક દ્રવ્યોની હેરાફેરી અટકાવવા  તેમજ દારૂ પી ગુજરાત આવવા લોકોને રોકવા માટે બોર્ડર પર બ્રેથ એનેલાઈઝર દ્વારા તપાસ હાથ ધરવામાં આવી છે.બનાસકાંઠાને અડીને આવેલા રાજસ્થાન તેમજ અન્ય રાજ્યો માંથી આવતા વાહનો તેમજ લોકો પર પોલીસ બાજ નજર રાખી રહી છે.તમામ વાહનોનું અમીરગઢ પીએસઆઈ તેમજ પોલીસ દ્વારા હાલ ઝીણવટ પૂર્વક ચેકીંગ કરવામાં આવી રહ્યું છે.

માસ્કનું વિતરણ પણ કર્યું હતું
ઓમિક્રોનના કેસ સમગ્ર ગુજરાતમાં વધી રહ્યા છે જેને લઈને બનાસકાંઠા જિલ્લાની પોલીસ સતર્કતાના ભાગરૂપે બનાસકાંઠાના અમીરગઢ પોલીસ દ્વારા લોકોને માસ્કનું વિતરણ કરવામાં આવ્યુ હતુ. રાજસ્થાનથી આવતા તમામ વાહનોનું ગુજરાત બોર્ડર પર ચેકિંગ કરવામાં આવી રહ્યુ છે જે લોકોએ માસ્ક ન પહેર્યુ હોય તેવા લોકોને માસ્કનું વિતરણ પણ કરવામાં આવી રહ્યુ છે. બનાસકાંઠા જિલ્લામાં કોરોનાના કેસ જોવા મળતા પોલીસ તેમજ આરોગ્ય તંત્ર સતર્ક બન્યુ છે. ગુજરાત રાજસ્થાન બોર્ડર પર થર્ટી ફર્સ્ટને લઇને પણ સઘન ચેકીંગ પણ ચાલુ છે. રાજસ્થાન તરફથી આવતા તમામ વાહનોને ચેક કરીને માસ્ક વગરના વાહનચાલકોને માસ્ક આપવામાં આવી રહ્યા છે.