બનાસકાંઠાના લાખણી તાલુકાની ખાડી ખાદરા પેટા શાળામાં વાલીઓએ શાળાને તાળાબંધી કરી છે. વાલીઓનો આક્ષેપ છે કે શાળાના શિક્ષકો દ્વારા તેઓ સાથે અભદ્ર વ્યવહાર કરવામાં આવ્યો છે. જેના પગલે તાળાબંધી કરવામાં આવી છે. જ્યાં સુધી શિક્ષકો સુધરશે નહીં ત્યાં સુધી વાલીઓએ તાળાબંધી રાખવાનો નિર્ણય કર્યો છે.
ઉલ્લેખનીય છે કે લાખણી તાલુકાના ગેળા ગામની ખોડીખાદરા પ્રાથમિક શાળા માં ફરજ બજાવતા શિક્ષકો ધ્વરા વાલીઓ સાથે ઉગ્ર વર્તન કરવામાં આવી છે અને વાલીઓ ને જેમ તેમ બોલતા મામલો બિચક્યો છે માટે ઉગ્ર ભરાયેલા વાલીઓ દ્વારા શાળાને તાળાબંધી કરી વિરોધ નોંધાવ્યો છે તો બીજી તરફ ખેરોલા ગામની ભીલવાસ પ્રાથમિક શાળામાં શાળાના આચાર્ય જ શાળામાં દારૂ પીને આવી રહ્યા હોવાના આક્ષેપ સાથે ગામ લોકોએ શાળાને તાળાબંધી કરી છે.
આ મામલે ગામ લોકો જણાવી રહ્યા છે અમે અમારા બાળકોને સારું શિક્ષણ મળે તે માટે શાળાએ મૂકીએ છીએ પરંતુ ત્યાંના શિક્ષકોના વર્તનથી અમારા બાળકોનું ભાવિ બગડી રહ્યું છે આ બાબતે અમે રજૂઆત પણ કરી છે. વારંવાર રજૂઆત કરવા છતાં પણ અમારું કોઈ ન સાંભળતા આજે અમે શાળાને તાળાબંધી કરી છે અને હવે જો તંત્ર ધ્વરા તાત્કાલિક પગલાં નહિ ભરવામાં આવે તો અમે આના કરતા પણ ઉગ્ર વિરોધ કરશું.
આ બાબતે બનાસકાંઠા જિલ્લાના શિક્ષણ અધિકારીનો ટેલિફોનિક સંપર્ક કરતા તેમને જણાવ્યું હતું કે હું અત્યારે ગાંધીનગર મિટિંગમાં છું અને આવીશ ત્યારે કાયદેસરની કાર્યવાહી કરીશ અને જે ખેરોલા ગામના શિક્ષકની બદલીના કાગળો તૈયાર જ છે ખાલી સહી કરવાની બાકી છે.