ગજબ / કાનુબેન અભણ છતાં આ વ્યવસાયમાં કમાણી કરવામાં ગુજરાતમાં બીજા નંબરે, આંકડો ચોંકાવનારો

• દર મહિને કમાઈ છે 8 થી 9 લાખ 
• રોજ 1 હજાર લીટર દૂધ ભરાવે છે પશુપાલક 
• મહેનત કરવા પર સિદ્ધિ ચોક્કસથી મળે છે

આજે અમૂલ ડેરીના ચેરમેન સોઢીએ  સૌથી વધુ ડેરીમાં દૂધ ભરાવી લાખોની આવક મેળવતી મહિલા ની ટ્વીટ કરી યાદી બહાર પાડી છે ત્યારે ધાનેરા તાલુકાના ચાંગડા ગામની એક અભણ મહિલા દિવસે  હજાર લિટર દૂધ ભરાવી વાર્ષિક 75 લાખ થી વધુ ની આવક મેળવીએક આઈએસ ઓફિસર કરતા પણ બમણી આવક મેળવી રહયા છે

બનાસકાંઠાના આ કાનુબેન પટેલ  એક ચોપડી પણ ભણ્યા નથી અને અભણ હોવા છતાં પણ તેમને આવક એક IAS ઓફિસર થી પણ બે ગણી છે.

100થી વધુ ગાયો છે 

કાનું બેને પહેલા બે ભેંસો થી શરૂ કરેલ પશુપાલન આજે 100 થી વધુ ગાયો સુધી પહોંચ્યું છે  અનેઆજે દિવસનું એક હજાર લિટર દૂધ ભરાવી રહયા છે. કાનુંબેન જોડે  100 જેટલી ગાયો અને 25 જેટલી ભેંસો છે. કાનુ બેન પહેલા 10 લીટર દૂધ ભરાવતા હતા ત્યારબાદ ડેરીના કેમ્પોમાં જઈ તેમને પણ કાંઈક નવું કરવાનો વિચાર આવ્યો ત્યારે કાનુંબેને ધીમે ધીમે પાંચ ગાયો લાવી અને ધીમે ધીમે બે પાંચ પાંચ ઢોર વધારીને આજે સૌથી વધુ સારી નક્સલી વાળી જર્સી ગાયો અને ૨૫ જેટલી ઉંચી કુળની ભેસો તેમની પાસે છે.

ગુજરાતમાં સૌથી વધુ દૂધ ભરાવે છે

તેઓ હાલ દિવસમાં સાંજ અને સવાર થઈ આમ કુલ એક હજાર લિટર સુધીનું દૂધ ભરાવીને સમગ્ર બનાસકાંઠા જિલ્લામાં જ નહિ પણ સમગ્ર ગુજરાતમાં સૌથી વધુ દૂધ ડેરીમાં આપતા મહિલાની હરોળમાં  આવ્યા છે 

ડેરીમાંથી સૌથી વધુ આવક મેળવવામાં બીજા નંબરે

કાનું બેન સાથે સાથે તેમનો પરિવાર પણ તેમને મદદ કરે છે. હાલ કાનુબેન સૌથી વધુ આવક મેળવતાં સમગ્ર બનાસકાંઠા જ નહીં પણ ગુજરાતના મહિલામા બીજા નંબરે આવ્યા છે  કાનુબેન નું કહેવું છે કે તેઓ જાતે જ પશુઓની સાર સંભાળ રાખે છે અને તેમનો પરિવાર પણ તમને મદદ કરે છે. જોકે બે માણસો ઘાસ નાખવા ને સાફ સફાઈ માટે રાખેલા છે. કાનુંબેને સારી આવક મળતા હાલ એક આધુનિક રીતે તબેલો તૈયાર કર્યો છે. જે તબેલામાં ઠંડક રહે તે માટે ચાર મોટા કુલરો પણ ફીટ કરવામાં આવ્યા છે અને તબેલા ઉપર ફુવારાઓ પણ મૂકવામાં આવ્યા છે. જેથી ઉનાળા દરમ્યાન ગાયોને પણ ઠંડક મળી રહે ખાસ કરીને ઘાસચારો ન બગડે તે માટે પણ ગાયને ઘાસ ખાવા માટે પણ અલગ પ્રકારના સુવિધાઓ ઊભી કરવામાં આવી છે. 

અત્યાધુનિક તબેલો બનાવ્યો છે

ગાયો સરળતાથી ઘાસ પણ ખાઈ શકે ગાયો સારો દૂધ આપે એ માટે તેને ખાવાની પણ અલગ પ્રકારનો જ ઘાસચારો બનાવીને તેઓ ગાયોને આપે છે. તેઓ ગાયને પોષક તત્વો મળી રહે અને દૂધ વધારે થાય તે માટે પોતાના ઘરે જ ગાયો માટે ખાણ બનાવે છે. જેનાથી ગાયો જાતે બનાવેલા ખોરાકથી દૂધ પણ સારો એવો આપે છે અને હેલ્થી પણ રહે છે.

એક અભણ મહિલાએ કરેલા સાહસ થી આજે એક આઈએએસ ઓફિસર કરતાં પણ વધુ કમાણી તેઓ મેળવી રહ્યા છે. જેના કારણે ગુજરાત સરકાર અને કેન્દ્ર સરકાર દ્વારા પણ તેમને વિવિધ એવોર્ડ થી સન્માનિત કરવામાં આવ્યા છે. કાના બેન પહેલેથી જ કંઈક કરી બતાવવાની ધગશ સાથે અને આત્મવિશ્વાસ સાથે આ એક મોટો ડેરી ફાર્મ નો ઉદ્યોગ કરીને સમગ્ર ગુજરાતમાં સારી એવી નામના મેળવી છે. આજે દિવસનો 1000  લીટર જેટલું દૂધ ધરાવતા કાના બેનને તેમના વધુ દૂધ જોઈ ને બનાસડેરીએ તેમને પોતાના ઘરે જ ડેરી ઉભી કરી આપી છે. જેના કારણે તેઓ દૂધ ભરવા માટે બહાર ન જવું પડતું નથી કાના બેનની વાર્ષની આવક 75 લાખથી 80 લાખ સુધીની છે.

લોકોને પ્રેરણા લેવાની આપે છે સલાહ

કાના બેનનું કેવું છે કે તેમની પ્રેરણા લઈને ગામના ઘણા બધા ખેડૂતોએ પોતાના ઘરે તબેલાઓ શરૂ કર્યા છે અને ગામના લોકો પણ આ દૂધમાંથી સારી એવી આવક મેળવી રહ્યા છે.

આધુનિક રીતે તૈયાર કરેલા આ તબેલામાં તમામ સુવિધાઓ પણ ઉપલબ્ધ કરવામાં આવી છે. જેથી અંદર રહેલા પશુઓ ને કોઈ જાતની તકલીફ રહેતી નથી અને આખો દિવસ કાનુબેન આ પશુઓને સારસંભાળ કરી રહ્યા છે. ગાયો ને દૂધ કાઢવા માટે 8 થી 10 મશીનો લગાવવામાં આવ્યા છે. જેના કારણે સરળતાથી દૂધ કાઢી શકાય છે

આમ કાનુબેન ને મહિનામાં ખર્ચ કરતા ચારથી પાંચ લાખની બચત થાય છે અને સારી એવી આવક પણ તેમને દૂધ માંથી મળી રહે છે. ત્યારે આવી એક અભણ મહિલાની ધગશ જોઈને બીજા પણ ખેડૂતોને આમાંથી પ્રેરણા લઈને કંઈક શીખવું જોઈએ.