મુશ્કેલી / કોરોના સંકટ વચ્ચે વધુ એક આફતના ભણકારા, ગુજરાત સહિત કુલ ત્રણ રાજ્યોના ખેડૂતોમાં ચિંતા

• બનાસકાંઠામાં ફરી જોવા મળ્યા તીડ
• ભાભર, વાવના અનેક ગામમાં તીડ જોવા મળ્યા
• બાજરી પાકવાની તૈયારીમાં છે ત્યારે પહોંચ્યા તીડ
• ખેડૂતોએ તીડ ભગાવવા કવાયત હાથ ધરી

બાજરી પાકવાની તૈયારીમાં છે ત્યારે તીડ પહોંચતા ખેડૂતોમાં ચિંતાનું મોજુ ફરી વળ્યું છે. લોકોએ સિમ અને ખેતરોમાં જઈ ઢોલ અને થાળી વગાડી તીડ ભગાડી રહ્યાં છે.

ખેડૂતોની મુશ્કેલીમાં વધારો 

હવે વાત કરીએ ખેડૂતોની મુશ્કેલીમાં વધારો કરતા તીડની,ભારતના ઓછામાં ઓછા ત્રણ રાજ્યોમાં હાલમાં તીડના હુમલા ઝઝૂમી રહ્યા છે અને તેનાથી 8,000 કરોડની મગની દાળ અને અન્ય ઘણા પાકને નુકસાન થવાનું જોખમ છે.

ઉલ્લેખનીય છે કે,તીડના ઝુંડ હજુ રાજસ્થાન, ઉત્તરપ્રદેશ અને  ગુજરાત  સાથે હરિયાણા અને પંજાબના કેટલાક હિસ્સામાં દેખાઈ રહ્યા છે. આ રાજ્ય સરકારોએ એલર્ટ જાહેર કર્યું છે અને પરેશાન ખેડૂત થાળી વગાડીને અને અવાજ કરીને તીડને ભગાડવાનો નિષ્ફળ પ્રયાસ કરી રહ્યાં છે. 

તીડ પાકિસ્તાનમાં થઇને ભારતમાં આવે છે

વાસ્તવમાં ડેઝર્ટ લોકસ્ટના નામથી ઓળખાતી આ તીડ પ્રજાતિ દર વર્ષે ઇરાન અને પાકિસ્તાન થઈને ભારતમાં આવે છે, જ્યાં ભારતમાં આ તીડ એક વખત ચોમાસા વખતે બ્રીડિંગ કરે છે, જ્યારે ઇરાન અને પાકિસ્તાનમાં તે બે વખત ઓક્ટોબર અને માર્ચમાં હોય છે.

દવાનો છંટકાવ શક્ય નથી બન્યો 

માર્ચમાં આ બંને દેશોમાં પ્રજનન રોકવા માટે દવા છાંટવામાં આવે છે. પરંતુ આ વખતે કોરોનાના પ્રકોપમાં ઘેરાયેલા ઇરાન અને પાકિસ્તાનમાં એ છંટકાવ થઈ શક્યો નથી અને ભારતમાં દેખાતા તીડના હુમલા પાછળ એ એક મોટું કારણ છે.