કહેર / કોરોના સંક્રમિતોની સંખ્યા વધતા ગુજરાતના આ જિલ્લાના બે શહેર બાદ ત્રીજામાં પણ સ્વૈચ્છિક લોકડાઉન

• સાબરકાંઠા જિલ્લામાં કોરોનાના કેર વચ્ચે બેદરકારીના દ્વશ્યો 
• APMCમાં  શાકભાજીના વેચાણ માટે જામી લોકોની ભીડ
• સાબરકાંઠાના ઇડરમાં કોરોનાનો કહેર યથાવત
• પ્રાંતિજ અને તલોદ બાદ ઇડરમાં પણ સ્વૈચ્છિક લોકડાઉન

શાકભાજી માર્કેટમાં સામાજિક અંતરના ઉડ્યા ધજાગરા 

ગુજરાતમાં હાલ કોરોના બેકાબુ જોવા મળી રહ્યો છે ત્યારે સાબરકાંઠા જિલ્લામાં APMCમાં શાકભાજીના વેચાણ માટે લોકોની ભીડ જામેલી જોવા મળી. શાકભાજી માર્કેટમાં સામાજિક અંતરના ધજાગરા ઉડતા જોવા મળ્યાં. શાકમાર્કેટમાં લોકો માસ્ક વિના ફરતા જોવા મળ્યાં. 
 

આ રીતે કેમ હારશે કોરોના?

સાબરકાંઠા જિલ્લામાં અત્યાર સુદીમાં કોરોનાના 1 હજાર 427 કેસ નોંધાયા છે. જેમાં જિલ્લામાં કોરોના એક્ટિવ કેસ 131 નોંધાય છે. જો કે તેમ છતાં લોકોની ભીડને લઇને તંત્ર જાણે સાવ અજાણ છે. 
 

પ્રાંતિજ અને તલોદ બાદ ઇડરમાં પણ સ્વૈચ્છિક લોકડાઉન

સાબરકાંઠા જિલ્લામાં કોરોનાનું સંક્રમણ વધી રહ્યું છે. ત્યારે પહેલેથી જ પ્રાંતિજ અને તલોદમાં સ્વૈચ્છિક લોકડાઉન જાહેર કરવામાં આવ્યું હતું. જો કે હાલ ઇડરમાં કોરોનાનો કહેર જોવા મળતા 25 નવેમ્બરથી 9 ડિસેમ્બર સુધી સ્વૈચ્છિક લોકડાઉન જાહેર કરાયું છે. જેને લઇને આગામી દસ દિવસ સુધી ધંધા-રોજગાર સ્વયંભુ બંધ રાખવામાં આવશે. ઇડરમાં દવા અને દૂધ સિવાયની તમામ દુકાનો બંધ રહેશે.