બનાસકાંઠા: મગફળી કૌભાંડનો મામલે પોલીસ દ્વારા ખેડૂતોને દબાવતા હોવાનો આક્ષેપ

બનાસકાંઠામાં મગફળી કૌભાંડનો ખુલાસો કરનાર પર પોલીસ દ્વારા દબાણ કરાવવામાં આવતું હોવાના આક્ષેપો કરવામાં આવી રહ્યાં છે. સુઈગામના ખેડૂતોને પોતાના નિવેદનો બદલવા માટે પોલીસ દ્વારા દબાણ કરાવામાં આવતુ હોવાનો આક્ષેપ કરવામાં આવ્યો છે. 

આ મામલે વાવના ધારાસભ્ય ગેનીબેન ઠાકોર અને ખેડૂતોએ પ્રાંત અધિકારીને રજૂઆત કરી છે. તેમનો આક્ષેપ છે કે મોરવાડા ગામના ખેડૂતોને પોલીસ તંત્ર દ્વારા દબાવવાનો પ્રયાસ કરવામાં આવી રહ્યો છે. 

ઉલ્લ્ખનીય છે કે બનાસકાંઠામાં અંદાજીત રૂપિયા 400 કરોડનું મગફળી કૌભાંડ બહાર આવ્યુ છે ખેડૂતોનો આક્ષેપ છે કે તેમણે કયારેય પણ મગફળી વાવી નથી તેમ છતા તેમના નામ પર મગફળીની ખરીદી કરવામાં આવી છે.

ખેડૂતોના જણાવ્યા મુજબ તેમના ખાતામાં ખરીદીના નાણા જમા થયા હતા પણ કોઇયે ઉપાડી પણ લીધા. આ ઉપરાંત બીજી વાત આ કૌભાંડમાં સામે આવી રહી છે કે વર્ષ 2017માં અહી સંપૂર્ણ પાક ધોવાયો હતો અને તેના માટેનું 100 ટકા વળતર પણ ચૂકવવામાં આવ્યું હતું.

જો પાક નિષ્ફળ ગયો છે તો આ 400 કરોડ રૂપિયાની મગફળી ક્યાથી આવી? આ 400 કરોડનું મગફળી કૌભાંડમાં બનાસ ડેરીના સાતાધીશો પર આરોપ લગાવવામાં આવ્યા છે. જ્યારે હવે કૌભાંડનો ખુલાસો કરનાર પર પોલીસ દ્વારા દબાણ કરાવવામાં આવતું હોવાના આક્ષેપો કરવામાં આવી રહ્યાં છે.