બનાસકાંઠા / ઠાકોર સમાજ દ્વારા સમાજની દિકરીઓ માટે વધુ એક તગલખી ફરમાન જાહેર કરાયું

આ બેઠકમાં સમાજના આગેવાનો મળ્યા હતા. આ બેઠકમાં સામાજીક અને આર્થિક રીતે ટકી રહેવા હેતુસર મહિલાઓ અને દીકરીઓ પર મેળામાં જવા પર પ્રતિબંધ લગાવવામાં આવ્યો છે. અગાઉ પણ ઠાકોર સમાજ દ્વારા આ પ્રકારનો તગલખી ફરમાન જાહેર કરાયું હતુ.

સમાજ દ્વારા યુવતીઓના મોબાઈલ રાખવા પર પ્રતિબંધ લગાવાયો હતો. ત્યારે હવે મેળામાં જવા પર પ્રતિબંધ લગાવવામાં આવતા અનેક સવાલ થયા છે.

ઠાકોર સમાજે શું લીધા નિર્ણય?

• તમામ પ્રકારના પ્રસંગમાં કેફી પદાર્થ સંપૂર્ણ બંધ કરવા
• તમામ પ્રકારના પ્રસંગમાં ઓઢામણા પ્રથા બંધ કરવી
• દીકરા-દીકરીના ઢુંઢ પ્રસંગે રાવણું બંધ કરીને પરિવારના સભ્યોનું પુરતું આયોજન કરવું
• ઢુંઢ પ્રસંગે માત્ર પિતાએ જ ઢુંઢ લેવી, ઢુંઢ પેટે રોકડ આપી દેવા
• સગપણ પ્રસંગે સ્ત્રીઓને સાથે લઈ જવી નહી
• ફેંટો બાંધવવાની પ્રથા બંધ કરવી, વરણા લઈ જવાની પ્રથા બંધ કરવી
• બિમારી વખતે સમાચાર લેવા માટે કરવામાં આવતા રાવણા પ્રથા બંધ
• મેળામાં કે અન્ય જગ્યાએ દીકરીઓ કે સ્ત્રીઓને લઈ જવી નહીં
• લગ્ન પ્રસંગે પત્રિકામાં પરિવાર સિવાય કોઈના નામ લખવા નહી
• લગ્નમાં માત્ર બે જ માણસો દિવસે જ મુકવા, રાત્રે મુકવા નહી
• લગ્ન દરમિયાન દીકરીના પિતા સિવાય કોઈએ વાસણ લાવવા નહી
• રાત્રે જાગના સમયે જાનમાં ડી.જે. લાવવા નહી
• લગ્ન પ્રસંગે કુંવાસી કે કોઈને પણ ઓઢમણા કરવા નહી
• મામેરા પ્રસંગે કુંવાસીઓ દ્વારા લાવાવમાં આવતા ઢાઢિયા પ્રથા બંધ કરવી
• મામેરામાં સામેના પક્ષને આપવામાં આવતા ઓઢમણા કરવા. અન્ય માણસોને ઓઢામણા કરવા નહી
• મરણ પ્રસંગે બેસણું એક સાથે પાંચ કે સાત દિવસ રાખવું
• બેસણા વખતે સીરો, ખીંચડી-કઢી સિવાય અન્ય કોઈ વાનગી રાખવી નહી
• મરણ પ્રસંગે અન્ય દિવસોમાં માત્ર ખીંચડી કઢી જ રાખવા
• મરણ પ્રસંગે સુંવાળા ઉતરાવેલ હોય તેને લુંગીનો ખર્ચ કુંવાસી પાસેથી લેવો નહી

સળગતા સવાલ

• ઠાકોર સમાજના આગેવાનો દીકરીઓને કેમ પાછળ સમજે છે?
• આજના યુગમાં આ પ્રકારનો નિર્ણય કેટલો યોગ્ય છે?
• દીકરીઓને આગળ વધવા માટે કેમ પ્રોત્સાહન અપાતું નથી?
• મેળામાં દીકરીના જવા પર કેમ પ્રતિબંધ લગાવાયો?
• મેળઆમાં દીકરીઓ જતા સમાજના આગેવાનોને કેમ તકલીફ પડી?
• સમાજના આગેવાનોએ કેમ આ પ્રકારનો નિર્ણય લીધો છે?
• દીકરીઓને લઈને સમાજના આગેવાનોનો તગલખી નિર્ણય કેમ?
• ઠાકોર સામાજના નેતાઓને પણ દીકરીઓને લઈને કામગીરીમાં રસ નથી?