બનાસાકાંઠના દિયોદરમાં ધોરણ-10ની બોર્ડની પરીક્ષા આપવા આવેલા વિદ્યાર્થીની દ્રઢ ઈચ્છા શક્તિનો સહુ કોઈને પરિચય થયો હતો. દિયોદરના હાર્દિક જોશી નામના વિદ્યાર્થીએ એપેન્ડિક્સનું ઓપરેશન કરાવ્યા બાદ ગણતરીના કલાકોમાં બોર્ડની પરીક્ષા આપવા પરીક્ષા ખંડમાં પહોંચી ગયો હતો.
ઓપરેશનનું દર્દ છતાં સંસ્કૃતનું પેપર આપ્યું હતું. ગુરુવારે આ વિદ્યાર્થીને ચાલુ પરીક્ષાએ એપેન્ડિક્સનો અસહ્ય દુ:ખાવો ઉપડયો હતો જેના કારણે તેને ચાલુ પેપરે દવાખાને ખસેડવો પડયો હતો.
ઉલ્લેખનીય છે કે બોર્ડની પરીક્ષા આપી રહેલા હાર્દિક જોશી નામના આ વિદ્યાર્થીને દવાખાને ખસેડ્યા બાદ નિદાન થતા એપેન્ડિક્સ હોવાનું ખુલવા પામતા તાત્કાલિક અસરથી ઓપરેશન કરવામાં આવેલ.જો કે બોર્ડની પરીક્ષા ચાલુ હોવાથી તે વિદ્યાર્થીએ ઓપરેશન વાળા શરીરે પણ પરીક્ષા આપીને દર્દને માત આપી પોતાની કારકિર્દીને આગળ વધારી હતી.