દૂર્ઘટના / બનાસકાંઠામાં ખેતરના બાયોગેસ કુવામાં બેના મોત થતાં ચકચાર, જાણો શું છે સમગ્ર મામલો

• બાયોગેસના ગેસ ગળતરથી બે ના નિધન
• 4 લોકોનો બચાવ
• કાંકરેજના મોટાજામપુર ગામે શોકનો માહોલ

બનાસકાંઠા જિલ્લાના કાંકરેજ તાલુકાના મોટાજામપુર ગામે ખેતરમાં બાયોગેસના કુવામાં ગેસ ગળતર થતા સફાઈ માટે ઉતરેલા બે વ્યક્તિના ગુગળામણથી મોતને લઈને સમગ્ર પંથકમા સનાટ્ટો છવાઈ ગયો છે જોકે બનાવ માં 4 લોકો નો આબાદ બચાવ થયો છે 

જામપૂરના ખેડૂત પુત્ર અને તેના ભાગીયાનું કરૂણ મોત

મોટાપુરા ગામમાં સનાટ્ટો અને પરિવારજનોના આંખમાંથી આસુ સુકાતા નથી અને એક સાથે બે વ્યક્તિના મોત અને 4 લોકોના આબાદ બચાવથી સમગ્ર પથકમાં ભારે ચકચાર મચી જવા પામી છે કાંકરેજ તાલુકાના મોટા જામપૂરના ખેડૂત પુત્ર અને તેના ભાગીયાનું કરૂણ મોત થયું છે.

અન્ય 4 લોકો પણ કુવામાં ઉતર્યા હતા

મોટા જામપુર ગામે ખેતરમાં બાયોગેસના કુવામાં ગેસ ગળતર થતા સફાઈ માટે ખેતરમાં ભાગીયા તરીકે કામ કરતો સુંડાજી ઠાકોર ઊતર્યા હતા જેમાં કુવામાં સાફ સફાઈ વખતે ગુગળામણ થતા ભાગીયો અંદર બેભાન થઈ ગયો હતો જેમાં ભાગીયાને બચાવવા માટે ખેડૂતનો દીકરો આનંદ ચૌધરી પણ ઉતર્યો હતો જેમાં તે પણ અંદર બેભાન થતા બંને લોકોને બચાવવા માટે અન્ય 4 લોકો પણ કુવામાં ઉતર્યા હતા જેમાં ચાર લોકોનો આબાદ બચાવ થયો જો કે આ બનાવમાં ભાગીયા અને ખેડૂત પુત્રનું મોત નીપજ્યું હતું બનાવની જાણ અન્ય ખેડૂત પરિવારને થતા પરિવારજનો પણ બનાવ સ્થળ પર દોડી આવ્યા હતા 

4 લોકોનો આબાદ બચાવ

મોટા જામપુર ગામેં બનાવમેં પગલે સમગ્ર પંથક માં ભારે ચકચાર મચાવી દીધી છે જેમાં કુવામાં 2 લોકોને બચાવવા માટે ઉતરેલા અન્ય 4 લોકોને પણ ગંભીર અસર થતા તાત્કાલિક સારવાર માટે રાધનપુર હોસ્પિટલ ખાતે ખસેડવામાં આવ્યા હતા જેમાં તમામ 4 લોકોનો આબાદ બચાવ થયો હતો બનાવની જાણ પરિવારજનો શિહોરી પોલીસને કરતા પોલીસ પણ બનાવ સ્થળ પર દોડી આવી હતી અને બંને મૃતક ની લાસને પી એમ અર્થ થરા રેફરેલ હોસ્પિટલ ખાતે લાવવામાં આવી હતી જેમાં મોટા જામપુરા ગામે આ બનાવથી ગામમાં શોકનો માહોલ છવાયો છે 

પોલીસે અકસ્માતે મોતનો ગુનો નોંધી અને સમગ્ર મામલાની તપાસ હાથ ધરી

મોટા જામપુર ખાતે બનેલી ઘટનાને લઇને સમગ્ર પંથકમાં સન્નાટો છે. બનાવમાં પીડિત અન્ય 4 લોકો પણ રાધનપુર હોસ્પિટલમાં સારવાર આપવામાં આવી હતી અને પીડિત 4 ની હાલત પણ સુધારા પર છે ત્યારે સિહોરી પોલીસે અકસ્માતે મોતનો ગુનો નોંધી અને સમગ્ર મામલાની તપાસ હાથ ધરી છે