એશિયાની સૌથી મોટી બનાસ ડેરીની ચૂંટી આવનારી 19 ઓક્ટોબરે યોજાવાની છે. 16 ડિરેક્ટરો માટે બનાસ ડેરીની ચૂંટણી યોજાવાની છે. આ ચૂંટણીમાં ઉમેદવારી નોંધાવવા માટે આજે છેલ્લો દિવસ છે. જેમાં મોટા મોટા નેતાઓએ ઉમેદવારી નોંધાવી છે.
એશિયાની સૌથી મોટી બનાસ ડેરીની ચૂંટણી યોજાશે
આજે શંકર ચૌધરી પાલનપુરમાં ફોર્મ ભરશે
થરાદમાંથી પરબત પટેલ અને ડિસાથી માવજી પટેલે ફોર્મ ભર્યુ
રાધનપુર બેઠકથી ગુજરાત સરકારના પૂર્વ મંત્રી શંકરભાઈ ચૌધરી, થરાદ બેઠકથી બનાસકાંઠાના સાંસદ પરબતભાઈ પટેલ તેમજ પાલનપુર બેઠકથી પરથીભાઇ ભટોળે ઉમેદવારી નોંધાવી છે. ડીસાથી માવજી દેસાઈ ફોર્મ ભર્યુ છે.
માવજી દેસાઈએ ડીસા બેઠક પર ઉમેદવારી નોંધાવી
આજે છેલ્લા દિવસે બનાસડેરીમાં વાઇસ ચેરમેને ઉમેદવારી નોંધાવી છે. માવજી દેસાઈએ ડીસા બેઠક પર ઉમેદવારી નોંધાવી પડકાર ફેંક્યો છે. ડીસામાં મામલતદાર કચેરી ખાતે ઉમેદવારી નોધાવી. ભાજપના આગેવાનો સાથે માવજી દેસાઈએ ઉમેદવારીપત્ર ભર્યુ હતુ. પત્રકારોને પાલનપુર બોલાવી માવજી દેસાઈએ ડીસામાં ફોર્મ ભરવા પાછળ માવજી દેસાઈ સવાલો થી બચવા ખાનગી રીતે ફોર્મ ભર્યુ હોવાનો પણ ગણગણાટ છે.
બનાસડેરીની ચૂંટણીમાં આંતરિક વિરોધ
જો કે સૂત્રોને મળતી માહિતી મુજબ બનાસડેરીની ચૂંટણીમાં આંતરિક વિરોધ જોવા મળી રહ્યો છે. શંકર ચૌધરી સામે ભાજપ નેતાઓ સક્રિય હોવા ની અટકળો ચાલી રહી છે. જિલ્લા ભાજપના હોદ્દેદારોએ પ્રદેશ કક્ષાએ આ અંગે રજૂઆત કરી હોવાની ચર્ચાએ જોર પક્ડયું છે. ઉલ્લેખનીય છે કે શંકર ચૌધરી અને માવજી દેસાઇ વચ્ચે વિવાદ ચાલી રહ્યો છે.
બનાસ ડેરીની ચૂંટણીમાં ચેરમેન શંકર ચૌધરી સામે ભાજપના જ નેતાઓ મેદાનમાં છે. શંકર ચૌધરી સામે જિલ્લા ભાજપ સંગઠન વિરોધમાં હોવાની ચર્ચાઓ ચાલી રહી છે. ભાજપના જ નેતાઓ પોતાની પેનલ બનાવશે. પરબત પટેલ, વાઇસ ચેરમેન માવજી દેસાઇ પેનલ બનાવશે. ત્યારે હવે શંકર ચૌધરીને હરાવવા માટે ભાજપ નેતાઓ એક થયા છે. વિધાનસભા, લોકસભામાં સામસામે લડેલા ઉમેદવાર એક થયા છે.