ઘોર કળિયુગ / દુલ્હને બનારસી બીકિની પહેરીને દુલ્હાના ગળામાં નાખી વરમાળા, શેર ન કરતાં 'મજા' બગડશે

સોશિયલ મીડિયામાં નકલીનો વાયરો ફૂંકાયો છે માટે ચેતી જવાની જરુર છે. બીજાને દેખાડી દેવાની ઉતાવળમાં ભૂલ ન કરતાં નહીંતર મુસીબતમાં મુકાવાનો વારો આવશે. આજકાલ લોકો ગમે તેવી તસવીરો એડિટ કરીને વાયરલ કરતાં હોય છે અને મજા લેતાં હોય છે.

બીકિની પહેરીને વરમાળા નાખી રહેલી યુવતીની તસવીર વાયરલ

ઉત્તર પ્રદેશની રાજધાની લખનઉમાં એક લગ્ન સમારોહની એક તસવીર સોશિયલ મીડિયા પર ઝડપથી વાયરલ થઈ રહી છે. આ વાયરલ તસવીરમાં એક યુવતી પીળા રંગની બનારસી બિકીની પહેરેલી જોવા મળી રહી છે. તેની સામે ઉભેલા વરરાજાને શેરવાનીમાં જોઈ શકાય છે. આવી સ્થિતિમાં લોકો આ તસવીરને જોઈને અનેક પ્રકારની કોમેન્ટ કરી રહ્યા છે. એવું માનવામાં આવે છે કે આ મહિલાએ પોતાના લગ્નના દિવસ માટે આવો ડ્રેસ પસંદ કરીને લોકોની રૂઢિચુસ્ત વિચારસરણીને પડકાર ફેંક્યો છે.

ખોટી છે તસવીર, એઆઈથી બનાવાઈ છે

હવે સવાલ એ ઉઠી રહ્યો છે કે શું ખરેખર યુવતીએ બનારસી બિકીનીમાં લગ્ન કર્યા હતા? તસવીરની સત્યતા જાણવા માટે રિવર્સ ઇમેજ સર્ચની મદદ લેવામાં આવી હતી. આ દરમિયાન ખબર પડી કે આ ફોટો આર્ટિફિશિયલ ઈન્ટેલિજન્સની મદદથી બનાવવામાં આવેલ ડિજિટલ ક્રિએશન છે.

ન કરતાં વાયરલ

આ કિસ્સાએ સાબિત કરી દીધું છે કે સોશિયલ મીડિયામાં જે કંઈ દેખાય છે તે બધું સાચું હોતું નથી, માનવા લાયક નથી હોતું. આજના યુગમાં AI ટેક્નોલોજીથી બનાવવામાં આવેલી તસવીરો અને વીડિયોનો ઉપયોગ લોકોને ગેરમાર્ગે દોરવા માટે કરવામાં આવી રહ્યો છે. નકલી દાવાઓ અને AI જનરેટેડ સામગ્રી વધુને વધુ વાયરલ થઈ રહી છે, ખોટી માહિતી ફેલાવી રહી છે. આવી સ્થિતિમાં, કોઈપણ વાયરલ ચિત્ર અથવા વિડિયોને શેર કરતા પહેલા તેની સત્યતા તપાસવી ખૂબ જ મહત્વપૂર્ણ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ