તમારા કામનું / જૂની પેટ્રોલ-ડીઝલ કારને લઈને મહત્વનાં સમાચાર, અહીં સરકારે પ્રતિબંધ પર આપી દીધી રાહત

• હરિયાણા સરકારનો મોટો નિર્ણય 
• જૂના પેટ્રોલ વાહનો પર પ્રતિબંધ મુદ્દે નિર્ણય 
• માત્ર ગુરુગ્રામમાં ઓટો પર લાગુ

10 વર્ષ જૂના ડીઝલ અને 15 વર્ષ જૂના પેટ્રોલ વાહનો પરથી પ્રતિબંધ હટાવવાના મોટા સમાચાર સામે આવ્યા છે. 

આ પ્રતિબંધના ક્ષેત્રમાં આવતા વાહન માલિકોને સરકારે રાહત આપી છે. વાસ્તવમાં આ રાહત હરિયાણા સરકાર દ્વારા આપવામાં આવી છે. 

મુખ્યમંત્રીએ શું કહ્યું? 

હરિયાણાના મુખ્યમંત્રી મનોહર લાલ ખટ્ટરે તાજેતરમાં કહ્યું હતું કે 10 વર્ષ જૂના ડીઝલ અને 15 વર્ષ જૂના પેટ્રોલ વાહનોના સંચાલન પરનો પ્રતિબંધ માત્ર ગુરુગ્રામમાં ઓટો પર લાગુ કરવામાં આવ્યો છે અને તે બીજે ક્યાંય લાગુ નથી.

મુખ્યમંત્રીએ કહ્યું હતું કે 10 વર્ષ જૂનાં ડીઝલ ઓટો અને 15 વર્ષ જૂનાં પેટ્રોલ ઓટોને ગુરુગ્રામ સડકો પરથી હટાવવામાં આવશે અને સરકાર આ સંબંધે ઓટો ચોક સંઘ સાથે વાતચીત કરી ચૂકી છે. 

મુખ્યમંત્રી મનોહર લાલ ખટ્ટરે કહ્યું હતું કે અન્ય શહેરોમાં જૂના વાહનોને હટાવવાનો કોઈ નિર્ણય લેવામાં આવ્યો નથી અને સરકાર NCR માં આવતા અન્ય જિલ્લાઓમાં રહેતા લોકોને રાહત આપવાની યોજના પર કામ કરી રહી છે. 

તેમણે એમ પણ કહ્યું કે કર્નાલને NCRમાંથી બહાર લાવવાની લોકોની લાંબા સમયથી પડતર માંગ હતી અને NCRને રાષ્ટ્રીય રાજધાનીની 100 કિમીની ત્રિજ્યામાં મર્યાદિત કરીને ફરીથી વ્યાખ્યાયિત કરવામાં આવશે.

દિલ્હીમાં પ્રતિબંધ યથાવત 
દિલ્હીમાં જૂના વાહનો પર પ્રતિબંધ હજુ પણ યથાવત છે. અહીં સરકાર કે વહીવટીતંત્ર દ્વારા કોઈપણ પ્રકારની રાહત આપવામાં આવી નથી. 

NGTએ દિલ્હીમાં 10 વર્ષથી વધુ જૂના ડીઝલ વાહનો અને 15 વર્ષ જૂના પેટ્રોલ વાહનો પર પ્રતિબંધ મૂક્યો છે. આ વાહનોને જંક બનતા બચાવવા માટે દિલ્હી સરકારે દેશના અન્ય શહેરોમાં રેટ્રો ફિટમેન્ટ અને વાહનોની નોંધણી માટે NOC મેળવવાનો વિકલ્પ આપ્યો છે. જે શહેરોમાં આ વાહનો પર પ્રતિબંધ નથી ત્યાં જૂના વાહનોનું પુન: રજીસ્ટ્રેશન કરાવી શકાશે.

નવી કારની ખરીદી પર ડિસ્કાઉન્ટ

જો વાહનના માલિક 10 અને 15 વર્ષના સમયગાળા પછી પણ વાહનનો ઉપયોગ કરવા માંગતા હોય, તો તેણે વાહનનું ફિટનેસ પ્રમાણપત્ર મેળવવું પડશે. જો વાહન આ ફિટનેસ ટેસ્ટમાં નિષ્ફળ જશે, તો તેને સ્ક્રેપ કરવામાં આવશે. 

જો તમે જૂના વાહનને સ્ક્રેપ કરી રહ્યા છો, તો ગ્રાહકોને નવી કાર ખરીદવાનું પ્રમાણપત્ર બતાવવા પર 5 ટકા ડિસ્કાઉન્ટ મળશે. આ ઉપરાંત નવા વાહનનું રજીસ્ટ્રેશન પણ માફ કરવામાં આવશે, જે લગભગ રૂ. 50,000 છે. જો તમે 5 લાખ રૂપિયાની કાર ખરીદી રહ્યા છો, તો તમને 5%ના દરે 25000 રૂપિયાનું ડિસ્કાઉન્ટ મળશે અને જો તમારી પાસે સ્ક્રેપ સર્ટિફિકેટ છે, તો તમે નવી કારમાંથી કુલ 75,000 રૂપિયા મેળવી શકો છો.