આયારામ-ગયારામ / ડિસેમ્બરમાં ભાજપ, જાન્યુઆરીમાં કોંગ્રેસ અને ફેબ્રુઆરીમાં ફરી ભાજપ, આ નેતાએ 46 દિવસમાં 3 વાર પાર્ટી બદલી

• ચૂંટણી આવતા નેતાઓ બદલવા લાગે છે પાર્ટી
• આ નેતાએ મહિનામાં એક પાર્ટી બદલી
• ત્રણ મહિનામાં ત્રણ પાર્ટી બદલી

પાંચ રાજ્યોની ચૂંટણીના માહોલ વચ્ચે નેતાઓ પાર્ટી બદલી વંડીયું ઠેકતા હોય છે. એક પાર્ટીમાંથી બીજી પાર્ટી અને બીજી પાર્ટીમાંથી ત્રીજી પાર્ટીમાં આયારામ ગયારામનો સિલસિલો ચાલું થઈ જતો હોય છે. ઉત્તર પ્રદેશ, ગોવા, ઉત્તરાખંડ અને ત્રિપુરા બાદ પંજાબમાં પણ આ ક્રમ ચાલું જ છે. આ તમામની વચ્ચે પંજાબમાંથી એક નેતા સામે આવ્યા છે. જેમાં 46 દિવસની અંદર ત્રીજી વાર પાર્ટી બદલી નાખી છે. 

પાર્ટી બદલું નેતા

પંજાબના હરગોવિંદપુરથી કોંગ્રેસના ધારાસભ્ય બલવિંદર સિંહ લડ્ડીએ શુક્રવારે કોંગ્રેસ સાથે છેડો ફાડીને ભાજપમાં પાછા આવી ગયા છે. ભાજપના રાષ્ટ્રીય મહાસચિવ તરુણ ચુઘ અને નેતા ફતેહ જંગ સિંહે બલવિંદરને સભ્યપદ અપાવ્યું હતું. ભાજપ જોઈન કરવા પર પાર્ટીએ તેમને ઘરવાપસી કહી હતી.

46 દિવસમાં ત્રણ વાર પાર્ટી બદલી

લડ્ડીએ અણબનાવ બાદ સૌથી પહેલા 28 ડિસેમ્બર 2021ના રોજ કોંગ્રેસ સાથે છેડો ફાડીને ભાજપમાં જોડાયા હતા. તેના ઠીક છ દિવસ બાદ એટલે કે, જાન્યુઆરીમાં તેમનું મન બદલાયું અને તેમણે ફરી વાર કોંગ્રેસ જોઈન કરી લીધી. ત્યાર બાદ 11 ફેબ્રુઆરીએ તેમને ફરી કોંગ્રેસને ત્યજી દેવાનો નિર્ણય કર્યો હતો.

Balwinder Singh Laddi, MLA of Hargovindpur in Punjab rejoined BJP in presence of party general secretary Tarun Chug

Laddi who won the election on a Congress ticket joined BJP on Dec 28. Then he went back to Congress on Jan 3 and again joined BJP on Feb 11 #PunjabElections pic.twitter.com/otsZUA7Ku0

— ANI (@ANI) February 12, 2022

લડ્ડીએ કોંગ્રેસ શા માટે છોડી

મીડિયા રિપોર્ટ્સમાં જણાવ્યા અનુસાર લડ્ડીએ કોંગ્રેસની ટિકિટ પર ગત વખતે ચૂંટણી જીતી હતી. ડિસેમ્બરમાં જ્યારે તેમણે ભાજપનું સભ્યપદ લીધું તો, તેમને ભાજપમાંથી ટિકિટ મળવાની પુરેપુરી શક્યતા હતી. પણ ભાજપે તેમની જગ્યાએ મંદીપ સિંહને ઉમેદવાર બનાવ્યા. આ વાતથી નારાજ થઈ ને બલવિંદર સિંહ ફરી પાર્ટી બદલી નાખી.

કોણ છે બલવિંદર સિંહ લડ્ડી

બલવિંદર સિંહ લડ્ડી વ્યવસાયે બિઝનેસમેન છે. તેમનો જન્મ 1972માં પંજાબના બટાલામાં થયો હતો. બલવિંદર સિંહ લડ્ડીને શરૂઆતથી રાજનીતિમાં રસ હતો. એટલા માટે તેમણે 2012માં શ્રી હરગોવિંદપુર વિધાનસભામાંથી ચૂંટણી લડી. પણ શિરોમણી અકાલી દળના ઉમેદવાર દસરાજ ધુગ્ગા સામે હારી ગયા. ત્યાર બાદ તેમણે 2017માં વિધાનસભા ચૂંટણી જીતી અને પહેલી વાર ધારાસભ્ય બન્યા.

પંજાબમાં ક્યારે છે ચૂંટણી

પંજાબની 117 સીટો માટે એક તબક્કામાં 20 ફેબ્રુઆરી મતદાન થવાનનું છે. તો વળી મતગણતરી 10 માર્ચે થશે.