પાકિસ્તાની સેના સામે ખુલીને અવાજ ઉઠાવનાર અને બલોચ લોકો માટે લડાઈ લડનાર કરીમા બલોચ શંકાસ્પદ રૂપે મૃત હાલતમાં મળી આવી છે. આ મહિલા પીએમ મોદીને ભાઈ માનતી હતી.
કેનેડાના ટોરંટોમાં કરીમા બલોચનો મળી આવ્યો મૃતદેહ
પાક સેના હંમેશા અવાજ ઉઠાવતી હતી આ મહિલા
પીએમ મોદીને ભાઈ માનતી મહિલાએ ચાર વર્ષ પહેલા કરી હતી ખાસ અપીલ
પાકિસ્તાનના બલોચિસ્તાનમાં સેનાની બર્બરતા સામે અવાજ ઉઠાવનાર મહિલા કરીમા બલોચ સંદિગ્ધ હાલતમાં મૃત અવસ્થામાં મળી આવી છે. રવિવારે કરીમા ગુમ થઇ ગઈ હતી ને તે બાદ કેનેડામાં તેમનુ શબ મળી આવ્યું છે. નોંધનીય છે કે તે પીએમ મોદીને પોતાના ભાઈ માનતી હતી.
સંયુક્ત રાષ્ટ્રમાં પણ ઉઠાવ્યો હતો અવાજ
કરીમા બલોચ રવિવારે સાંજે લાપતા થઇ હતી અને તે બાદ ત્રણ વાગ્યાનાં આસપાસ તેમને છેલ્લી વાર જોવામાં આવ્યા. હવે તેમના પરિવારે પુષ્ટિ કરી છે કે કરીમા મૃતવ અવસ્થામાં મળી આવી છે. નોંધનીય છે કે આ મહિલા પાકિસ્તાન સામે ખુલીને અવાજ ઉઠાવતી હતી અને સંયુક્ત રાષ્ટ્રમાં પણ પાકિસ્તાની સેનાના વિરોધમાં અવાજ ઉઠાવ્યો હતો.
પાક સેના અને સરકાર સામે શંકાની સોય
કરીમાના મોત બાદ હવે પાકિસ્તાની સેના અને સરકારને શંકાની નજરે જોવામાં આવી રહી છે. પાકિસ્તાની ગુપ્તચર એજન્સીઓ પર પણ આશંકા છે. વર્ષ 2016માં જ બીબીસીએ કરીમાને દુનિયાઈની 100 સૌથી પ્રેરણાદાયક અને પ્રભાવશાળી વ્યક્તિઓમાં સામેલ કરી હતી.
પીએમ મોદીને કરી હતી ખાસ અપીલ
નોંધનીય છે કે તે ભારતના પીએમ મોદીને પોતાના ભાઈ માનતી હતી. વર્ષ 2016માં તેમણે કહ્યું હતું કે રક્ષાબંધનના દિવસે એક બહેન તમને ભાઈ માનીને કહી કહેવા માંગે છે કે બલોચિસ્તાનમાં કેટલાય ભાઈ લાપતા છે. કેટલાય ભાઈ પાકિસ્તાની સેનાના હાથે માર્યા ગયા છે અને બહેનો આજે પણ ભાઈઓની તલાશ કરી રહી હતી. અમે તમને કહેવા માંગીએ છે કે બલોચિસ્તાનની બહેનો તમને ભાઈ માને છે. તમે બલોચ નરસંહાર સામે આંતરરાષ્ટ્રીય મંચ પર અમારો અવાજ બનો.
પીએમ મોદીએ પણ બલોચિસ્તાનનો કર્યો હતો ઉલ્લેખ
નોંધનીય છે કે તે જ વર્ષે પીએમ મોદીએ પણ સ્વતંત્રતા દિવસની ઉજવણીના દિવસે લાલ કિલ્લા પરથી બલોચિસ્તાનનો ઉલ્લેખ કર્યો હતો. આ પહેલીવાર હતું જયારે કોઈ ભારતીય વડાપ્રધાને આ ક્ષેત્રનો ઉલ્લેખ કર્યો હોય.