બોલ ટેમ્પરિંગમાં દોષિત ઠરેલા ઓસ્ટ્રેલિયન ક્રિકેટર સ્ટિવ સ્મિથે સિડનીમાં એક પ્રેસ કોન્ફરન્સ યોજીને બોલ ટેમ્પરિંગની ભૂલ સ્વીકારી હતી. તેમણે જણાવ્યું હતું કે આ બાબતે ખૂબ દિલગીરી અનુભવું છું. આખી જિંદગી આ ભૂલનો વસવસો રહેશે.
દિલગીર સ્મિથ પ્રેસ કોન્ફરન્સમાં ભૂલનો એકરાર કરતાં પોતાને સંભાળવાની કોશિશ કરતાં હતા. છતાં તેમની આંખમાં આંસુ છલકાઈ જતા હતા. સ્મિથ આજે દક્ષિણ આફ્રિકાથી ઓસ્ટ્રેલિયા પહોંચ્યા પછી પાંચ મિનિટની પ્રેસ કોન્ફરન્સમાં વારંવાર રડી પડયા હતા.
ક્રિકેટ દુનિયાના દિગ્ગજ ખેલાડીઓમાંના સ્ટિવ સ્મિથને આ રીતે રડતા જોઈને ક્રિકેટ જગતે પણ તેમના તરફ સહાનુભૂતિ દર્શાવી હતી. સોશિયલ મીડિયા પર સ્ટિવનુ સમર્થન કરતા અનેક ખેલાડીઓએ સ્ટિવ તરફ સહાનુભૂતિ દર્શાવી હતી.