જકાર્તા: ઇન્ડોનેશિયામાં માઉન્ટ આગુંગ જ્વાળામુખીમાં વિસ્ફોત થયો છે. એના કારણથી નિકળેલા ધુમાડાના કારણે રિસોર્ટ દ્વીપ બાલી સ્થિત આતરરાષ્ટ્રીય એરપોર્ટને બંધ કરી દેવામાં આવ્યું છે. અહીંયા હજારો પર્યટકો ફસાયેલા છે. જ્વાળામુખી ફાટવાને કારણે અહીંયા ધુમાડા હજારો મીટરની ઊંચાઇ સુધી આકાશામાં ફેલાયેલા છે.
ઇન્ડોનેશિયામાં ભારતીય દૂતાવાસે ટ્વિટ કરીને હેલ્પ ડેસ્ક નંબર +62-8113867270 જારી કર્યો છે. સાથે જ બે દિવસ માટે બાલી એરપોર્ટને બંધ કરી દેવાની સૂચના આપી છે.
શુ્ક્રવારે સવારે ગુરાહ રાય એરપોર્ટ બંધ થવાની સાથે અહીંયા આવતી જતી 450 ઊડાનોને રદ કરી દેવામાં આવી છે. ગુરુવારે સાંજે માઉ્ડ આગુંગના જ્વાળામુખીમાં વિસ્ફોટની સાથે આકાશમાં 2000 મીટર સુધી ધુમાડો છવાઇ ગયો. જ્વાળામુખી ફાટવાના કારણે 23000 ફીટ ઊંચાઇ સુધી રાખ ફેલાઇ ગઇ. આ સ્થિતિમાં પાયલોટને મુશ્કેલિનો સામનો કરવો પડ્યો આ જોતા જ શુક્રવારે એરપોર્ટ બંધ કરવું પડ્યું. વિમાનો માટે રાખ ખતરનાક બની શકે છે કારણ કે આ એના એન્જીનમાં પ્રવેશ કરી શકે છે.
ઉલ્લેખનીય છે કે આગુંગ વિસ્ફોટ ગત વર્ષે પણ થયો હતો. એનો સૌથી મોટો વિસ્ફોટ 1963માં થયો હતો. જેના કારણે 1600 લોકો માર્યા ગયા હતા. એમાથી મોટાભાગના લોકોની મોત પાઇરોક્લાસ્ટિક પ્રવાહના કારણે જોડાયેલી છે.