રેસિપિ / વરસાદની સીઝનમાં ચાની સાથે આ છે ઉત્તર ભારતમાં વખણાતો નાસ્તાનો પરફેક્ટ ઓપ્શન, નહીં વધે તમારું વજન પણ

• વરસાદની સીઝનમાં કરો પરફેક્ટ નાસ્તો
• નહીં વધે તમારું વજન
• ચા સાથે માણો બેક્ડ સમોસાની મજા

વરસતા વરસાદમાં ગરમા ગરમ ચાની સાથે સમોસા ખાવાનો આનંદ અલગ હોય છે. આ સમયે હેલ્થ કોન્શિયસ લોકોની ચિંતા તળેલા સમોસાના કારણે વધી જાય છે. પણ જો તમે પણ સમોસાની મજા લેવા ઈચ્છો છો તો તમે બેક્ડ સમોસા ટ્રાય કરી શકો છો. આ ઉત્તર ભારતની રેસિપિ છે અને આ સમોસા બટાકા, વટાણા અને બીન્સથી બને છે. આ સમોસાને લાલ અને લીલી ચટણી સાથે પીરસીને તેનો આનંદ માણો તે જરૂરી છે.  
 

બેક્ડ સમોસા

સામગ્રી

બારીક સુધારેલી ડુંગળી - 1 નંગ
છીણેલા આદુનો ટુકડો - 1 નંગ
લીમડાનો પાવડર - 2 ચમચી
બાફેલા અને છોલેલા બટાકા - 250 ગ્રામ
ફ્રોઝન વટાણા - 50 ગ્રામ
પીસેલું લસણ - 2 કળી
રિપાઈન્ડ તેલ - 1 ચમચી
સરસિયાનો પાવડર - 1 મચચી
બીન્સ - 75 ગ્રામ

સમોસાના લોટ માટેની સામગ્રી

• મેંદો - 1 કપ
• મીઠું - 1/4 કપ
• ડ્રાય એક્ટિવ યીસ્ટ - અડધી ચમચી
• તેલ - 1 ચમચી
• ખાંડ - અડધી ચમચી

બેક્ડ સમોસા બનાવવાની રીત

આ રીતે તૈયાર કરો સમોસા માટેનો લોટ
એક બાઉલ લો અને તેમાં મેંદો, ખાંડ, ડ્રાય એક્ટિવ યીસ્ટ, મીઠું અને તેલ મિક્સ કરીને હૂંફાળા પાણીથી લોટ બાંધો. એક નરમ લોટ તૈયાર કરી લો. તેને થોડી મિનિટ સુધી ઢાંકીને રહેવા દો.  

આ રીતે તૈયાર કરો મસાલો
ડુંગળી, લસણ અને આદુને એક ચમચી તેલમાં 3 મિનિટ માટે શેકી લો, હવે લીમડાનો પાવડર ઉમેરો અને તેમાં 400 મીલી પાણી ઉમેરો. હવે તેમાં બટાકા અને બીન્સ પણ ઉમેરી લો. તેને 20 મિનિટ સુધી ચઢવા દો. બધા શાક નરમ થઈ જશે. છેલ્લે 5 મિનિટ માટે વટાણા મિક્સ કરો. તમારો મસાલો તૈયાર છે. હવે ઓવનને 180 સેન્ટીગ્રેડ પર ગરમ કરો.  

આ રીતે બનાવો સમોસા
હવે તમે જે લોટ બાંધ્યો છે તેને એક વાર ફરીથી મસળી લો અને તેની પર સૂકો મેંદો લગાવીને રોટલી જેવું બનાવો. તેને વચ્ચેથી કાપી લો અને એક ભાગ ઉઠાવીને હાથમાં રાખો. તેમાં મસાલાનું ફિલિંગ ભરો અને તેની કિનારી પર પાણી લગાવી લો. આ પછી તેને ચોંટાડી દો. ત્રિકોણ આકારના સમોસા તૈયાર થઈ જશે. હવે આ રીતે બધા સમોસા તૈયાર કરી લો અને તેને માઈક્રોવેવ ઓવનના વાસણમાં રાખી લો. તેને ગરમ ઓવનમાં 20 મિનિટ માટે  બેક કરવા મૂકો અને પછી તેને ગરમાગરમ ચા સાથે વરસાદની સીઝનમાં પરોસી લો.   તેની સાથે તમે મરચા, લાલ ચટણી કે લીલી ચટણી પર સર્વ કરી શકો છો. આ સિવાય બાળકો તેને સોસની સાથે પણ ખાઈ શકે છે.