વર્ષ 2015માં રિલીઝ થયેલી સલમાન ખાનની ફિલ્મ 'બજરંગી ભાઈજાન' સુપરહિટ ગઈ હતી. ડિરેક્ટર કબીર ખાને આ ફિલ્મમાં મુન્નીની ભૂમિકા હર્ષાલી મલ્હોત્રાએ નિભાવી હતી. ભલે તેની પાસે કોઈ ડાયલોગ્સ નહોતા પરંતુ તેના એક્સપ્રેશન્સથી તેણે લોકોનું દિલ જીતી લીધું હતું.
બજરંગી ભાઈજાનની નાનકડી મુન્ની હવે મોટી થઈ ગઈ છે અને હર્ષાલી સોશિયલ મીડિયા પર પણ ઘણી એક્ટિવ રહે છે. હાલમાં જ તેણે ઈન્સ્ટાગ્રામ પર તેનો એક મજેદાર ટિકટોક વીડિયો શેર કર્યો છે. જેમાં તે કહે છે કે, 3મેએ મોદીજી ફરી આવશે અને કહેશે- મિત્રો હું 0 લગાવાનું ભૂલી ગયો હતો. લોકડાઉન 30 મે સુધી રહેશે.
જે અંદાજમાં હર્ષાલીએ આ વાત કહી, તેને લોકો ખૂબ પસંદ કરી રહ્યાં છે. થોડાં દિવસ પહેલાં જ હર્ષાલીએ વધુ એક ફની વીડિયો પોસ્ટ કર્યો હતો. જેમાં તે કહે છે, કોઈની પાસે અનિલ કપૂરનો નંબર છે. મિસ્ટર ઈન્ડિયાવાળી વોચ જોઈતી હતી. થોડીવાર માટે બહાર જવું છે. પછી જે હસવા લાગી.
ફિલ્મ બજરંગી ભાઈજાનમાં પાકિસ્તાની છોકરી મુન્નીના રોલમાં તેણે જોરદાર એક્ટિંગ કરી હતી. હર્ષાણી ઘણી ટીવી સીરિયલ્સમાં પણ કામ કરી ચૂકી છે. તેણે ઘણી એડ ફિલ્મો પણ કરી છે. હર્ષાલીને એક્ટિંગ સહિત સિંગિંગનો પણ શોક છે અને તે સલમાન ખાનની જેમ સુપરસ્ટાર બનવા માંગે છે.
હર્ષાલીએ ભલે બજરંગી ભાઈજાન ફિલ્મમાં એક મૂંગી છોકરીનો રોલ નિભાવ્યો હતો પરંતુ રિયલ લાઈફમાં તે બહુ જ વાતો કરે છે. હર્ષાલીની માએ બતાવ્યું હતું કે કાસ્ટિંગ ડિરેક્ટર મુકેશ છાબડા એટલા પરેશાન થઈ જતા હતા કે તેને કઈ રીતે ચુપ રાખવી.