IPLIN
 

મનોરંજન / બજરંગી ભાઈજાનને 7 વર્ષ પૂર્ણ- સલમાન ખાનની જગ્યાએ આ એક્ટરને મળી હતી પહેલી ઓફર

Team VTV 04:14 PM, 17 Jul 22
Follow us
Bajrangi Bhaijaan completes 7 years - this actor got the first offer instead of Salman Khan

ફિલ્મમાં સલમાન ખાન અને નાની બાળકી હર્ષાલી મલ્હોત્રાની એક્ટિંગના ઘણા વખાણ કરવામાં આવ્યા હતા, જો કે આ ફિલ્મની પહેલી પસંદ સલમાન ખાન નહતા.

  • ફિલ્મ બજરંગી ભાઈજાન સાત વર્ષ પહેલા આ દિવસે રિલીઝ થઈ હતી
  • આ ફિલ્મની પહેલી પસંદ સલમાન ખાન નહતા
  • સલમાન ખાનની આ ફિલ્મના સિક્વલની પણ ઘોષણા કરવામાં આવી છે. 

સલમાન ખાનની ફિલ્મ બજરંગી ભાઈજાન સાત વર્ષ પહેલા આ દિવસે રિલીઝ થઈ હતી. 90 કરોડના બજેટમાં બનેલ ફિલ્મે બોક્સ ઓફિસ માં 969 કરોડથી વધુ કમાણી કરી હતી. ઘરેલુ બોક્સ ઓફિસ પર આ ફિલ્મે 325 કરોડ રૂપિયાનું કલેક્શન કર્યું હતું. ફિલ્મમાં સલમાન ખાન અને નાની બાળકી હર્ષાલી મલ્હોત્રાની એક્ટિંગના ઘણા વખાણ કરવામાં આવ્યા હતા, જો કે આ ફિલ્મની પહેલી પસંદ સલમાન ખાન નહતા. આ રોલ પહેલા હૃતિક રોશનને ઓફર કરવામાં આવ્યો હતો. 

આ ફિલ્મની વાર્તા કે.વી વિજયેન્દ્ર પ્રસાદે લખી છે અને ફિલ્મના ડિરેક્ટર કબીર ખાન છે. જો કે આ ફિલ્મ પહેલા રાકેશ રોશન ડિરેક્ટ કરવાના હતા અને હૃતિક રોશન લીડ રોલમાં નજર આવવાના હતા અને વિજયેન્દ્ર પ્રસાદ આ ફિલ્મને કો-પ્રોડ્યુસ કરવાના હતા પણ રાકેશ રોશનને આ ફિલ્મ કોઈ સાથે કો-પ્રોડ્યુસ નહતી કરવી. એવામાં આ ફિલ્મ સલમાન ખાન પ્રોડક્શન ફિલ્મ્સ અને કબીર ખાન પાસે આવી પંહોચી હતી. 

મુન્ની એટલે કે હર્ષાલી મલ્હોત્રા બજરંગી ભાઈજાન સિવાય પ્રેમ રતન ધન પાયોમાં પણ કામ કરવાની હતી. ફિલ્મ માટે તેનું ફોટોશુટ પણ કરાવવામાં આવી ગયું હતું. પણ બજરંગી ભાઈજાનમાં કામ કરવા માટે હર્ષાલીએ પ્રેમ રતન ધન પાયો ફિલ્મમાંથી તેનું નામ પાછું ખેંચી લીધું હતું. સાથે જ ચાંદ નવાબના કેરેક્ટર માટે પહેલા ઈમરાન હાશ્મીને પસંદ કરવામાં આવ્યો હતો પણ આટલા નાના રોલને કારણે તેને ફિલ્મ કરવાની ના કહી દીધી હતી જેથી આ રોલ નવાઝુદ્દીન સિદ્દીકી મળી ગયો હતો. 

એવું સાંભળવા મળ્યું હતું કે હૃતિક રોશન પછી આ ફિલ્મ આમિર ખાનને પણ ઓફર કરવામાં આવી હતી. હાલ વર્ષ 2022માં સલમાન ખાનની આ ફિલ્મના સિક્વલની ઘોષણા કરવામાં પણ આવી છે. 

બજરંગી ભાઈજાન સલમાન ખાન હૃતિક રોશન bajrangi bhaijaan Salman khan
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ