પાકિસ્તાન હ્યુન્ડાઇ ટ્વીટર હેન્ડલથી વિવાદીત પોસ્ટનો મામલે બજરંગદળ આકરા પાણીએ, કહ્યું માફી માંગો નહી તો હ્યુન્ડાઈના શો-રૂમ બહાર આપશે કાર્યક્રમ
વિવાદીત પોસ્ટ મુદ્દે બજરંગદળ આકરા પાણીએ
જ્વલિત મહેતાએ પોસ્ટ હટાવવા આપી ચીમકી
પોસ્ટ ન હટાવે તો બજરંગદળ કરશે ધરણા
શું ભારતમાં કામ કરી રહેલી બહુરાષ્ટ્રીય કંપની દેશ વિરુદ્ધ પાકિસ્તાની પ્રાયોજિત આતંકવાદને સમર્થન કરી શકે છે?.. ભારતની અખંડતા વિરુદ્ધ પાકિસ્તાની પ્રોપેગેંડાને પ્રોત્સાહન આપી શકે છે?.. અને સૌથી મોટી વાત એ છે કે આવી કંપની ભારતમાં કારોબાર પણ કરી શકે છે? આ સવાલો અમારા નહીં. પણ સોશિયલ મીડિયા પર લોકો કરી રહ્યા છે.. આ સવાલો થઈ રહ્યા છે હ્યુન્ડાઈ કંપની અને તેમાં 33 ટકા ભાગીદારી ધરાવતી કિયા મોટર્સને..આ કંપનીના પાકિસ્તાની યુનિટોએ રવિવારે 'કશ્મીર કો દુઆ'ની સાથે આતંકવાદ અને ભારત વિરોધી ગતિવિધિઓનું સમર્થન કર્યું.
હ્યુન્ડાઇ કંપની લેખિત માફીનામું આપે નહીંતર વિરોધ પ્રદર્શન થશે: બજરંગદળ
પાકિસ્તાન હ્યુન્ડાઇએ કશ્મીરને ભારતથી અલગ કરવા ઇચ્છતા લોકોના સમર્થનમાં ટ્વીટ કર્યું હતું. સાથે જ ભારત સામે કાર્યવાહી ચાલુ રાખવાનો ગર્ભિત સંદેશ આપ્યો હતો. આથી આ મામલે બજરંગ દળે હ્યુન્ડાઇ વિરુદ્ધ દેખાવો યોજવાનું આયોજન કર્યું છે.બજરંગ દળે હ્યુન્ડાઈ કંપની સમગ્ર મામલે માફી માગે તેવી માગ કરી છે.સાથે જ બજરંગદળના ઉતર ગુજરાતના પ્રમુખ જ્વલિત મહેતાએ આગામી દિવસોમાં હ્યુન્ડાઈના શો રૂમ સામે વિરોધ પ્રદર્શન કરવામાં આવશે તેવી ચીમકી ઉચ્ચારી છે. આપને જણાવી દઈએ કે, આ સમગ્ર મામલે ભારતમાં વિરોધનો વંટોળ જોવા મળી રહ્યો છે.અનેક લોકોએ પોતાની નવી હ્યુન્ડાઇ કારની ખરીદી કેન્સલ કરી દીધી છે.તો.અનેક હસ્તીઓએ પણ હ્યુન્ડાઇ વિરુદ્ધના ટ્વીટર ટ્રેન્ડને સપોર્ટ આપ્યો છે.
હ્યુન્ડાઈ ઈન્ડિયાએ ઢાંક પીછોડો કરવાનો પ્રયત્ન કર્યો
હ્યુન્ડાઈ પાકિસ્તાન ટ્વીટર હેન્ડલરથી આ ટ્વીટ થયું ત્યાર બાદ ભારતમાં લાખો લોકોએ હ્યુન્ડાઈ કંપનીનો વિરોધ કર્યો છે.હ્યુન્ડાઈ પાકિસ્તાન તરફથી થયેલા ટ્વીટમાં પાકિસ્તાન પ્રાયોજિત આતંકવાદને સમર્થન અપાયું હતું. કશ્મીરને ભારતથી તોડવાની પ્રાર્થના કરાઈ હતી અને ડલ સરોવરમાં બોટના ફોટો અને કશ્મીરના નામને કાંટાળા તાર સાથે દર્શાવ્યું હતું.. આ મામલે હવે દેશની જનતા ઈચ્છે છે કે હ્યુન્ડાઈ માફી માગે. ભારતમાં હ્યુન્ડાઈ કંપનીનો વિરોધ વધતા આખરે હ્યુન્ડાઈ ઈન્ડિયાએ ઢાંક પીછોડો કરવાનો પ્રયાસ કર્યો.
VTV ગુજરાતીના સળગતા સવાલ
ભારતમાં વાર્ષિક 5 લાખથી વધુ કાર વેચતી હ્યુન્ડાઈ પર લાગશે પ્રતિબંધ?
ટ્વીટર પર દેશના હિત વિરુદ્ધ લખાણ લખાયું તે કેટલું યોગ્ય?
કશ્મીર મુદ્દે પાકિસ્તાનને સમર્થન વાળુ લખાણ લખનાર હ્યુન્ડાઈ વિરુદ્ધ એક્શન લેવાશે?
ભારતમાંથી પ્રોફિટ કમાતી વિદેશી કંપની ભારત વિરુદ્ધ કેમ બોલી શકે?
કશ્મીર ભારતનું મહત્વનું અંગ છે આ મુદ્દાને છંછેડનારાનો બહિષ્કાર ક્યારે?
ભારતનું કાઈને ભારતનું ખોદનારને કેમ ચલાવી લેવાય?