ભારતના બજરંગ પુનિયાએ Daulet Niyazbekov સામે બ્રોન્ઝ મેડલ માટેની મેચમાં એકતરફી જીત મેળવી હતી. બજરંગે 8-0 થી વિજય મેળવીને ભારતને વધુ એક બ્રોન્ઝ મેડલ અપાવ્યો હતો. આ સાથે તેમણે ભરતને વિશ્વભરમાં ગૌરવ અપાવ્યું હતું.
ભારતીય રેસલર બજરંગ પુનિયા આજે કાંસ્ય પદક માટેની મેચ રમવા ઉતર્યા હતાં. આ મેચમાં તેમનો સામનો કઝાકીસ્તાનના હરીફ Daulet Niyazbekov સામે મુકાબલો થયો હતો. ભારતીય સ્ટાર કુશ્તીબાજ બજરંગ પુનિયાએ સારી શરૂઆત કરી હતી. પ્રથમ પોઈન્ટ પોતાના નામે કરતાં પ્રથમ પિરિયડમાં બજરંગ પુનિયા 2-0 થી આગળ રહ્યા હતાં. ત્યાર બાદ પુનિયાએ હરીફને એક પણ તક ન આપતા દબદબો જાળવી રાખ્યો હતો. 8-0 થી બજરંગનો વિજય થયો હતો.
બજરંગ પુનિયાના પિતાએ વિશ્વાસ દર્શાવ્યો હતો કે તેમનો પુત્ર જરૂર મેડલ લાવશે અને તેમણે પોતાના પિતાનો વિશ્વાસ સાચો ઠેરવ્યો હતો.
It’s OFFICIAL! Bajrang Punia is now an Olympic #bronze medallist! 👏
સેમી ફાયનલમાં પુનિયાનો 12-5 થી પરાજય થયો હતો. 65 કિલોગ્રામ કુશ્તીમાં અજારબૈજાનના હરીફ અલીયેવ સામે થયો પરાજય થયો હતો
અલીયેવ પહેલેથી જ પુનિયા પર હાવી રહ્યો હતો. એક સમયે મોટી સરસાઈ હાંસલ કરતાં અલીયેવ 8-1 થી આગળ થઈ ગયો હતો. પરંતુ ફરી બજરંગ પુનિયાએ વાપસી કરતાં આશા જગાડી હતી. પુનિયાએ થોડા ડબલ પોઈન્ટ મેળવી લેતા સ્કોર 9-5 થઈ ગયો હતો. પરંતુ બીજા રાઉન્ડમાં તો અલીયેવ વધારે હાવી થઈ જતાં બજરંગ પુનિયાને હારનો સામનો કરવો પડ્યો હતો. પરંતુ ફરી બ્રોન્ઝ મેડલ માટેની મેચમાં બજરંગનો જોરદાર વિજય થયો હતો.