સ્પોર્ટસ / સ્ટાર પહેલવાનો બજરંગ પુનિયા-સંગીતા ફોગાટે સગાઈ કરી, લગ્ન આવતા વર્ષે

• ''હું ટોકિયો ઓલિમ્પિક બાદ લગ્ન કરીશ'': બજરંગ પુનિયા
• સંગીતા ફોગાટ 'દંગલ' ફિલ્મના રિયલ હીરો મહાવીર ફોગાટની સૌથી નાની પુત્રી
• આવતા વર્ષે ઓલિમ્પિક પછી લગ્ન સમારંભ યોજાશે

સમારોહમાં બંને પરિવારના નજીકના લોકો જ સામેલ થયા 

સંગીતા ફોગાટ 'દંગલ' ફિલ્મના રિયલ હીરો મહાવીર ફોગાટની સૌથી નાની પુત્રી છે. સોનીપતના મોડલટાઉનમાં બજરંગ પુનિયાના ઘરે ખૂબ જ સાદગી સાથે સગાઈની વિધી કરવામાં આવી હતી. આ સમારોહમાં બંને પરિવારના નજીકના લોકો જ સામેલ થયા હતા. આ દરમિયાન બજરંગ પુનિયાએ જણાવ્યું કે, ''હું ઓલિમ્પિકમાં મેડલ જીતીને મારા પિતાને આપેલું વચન પુરું કરીશ.'' 

વડા પ્રધાન નરેન્દ્ર મોદી સહિત અન્ય હસ્તીઓને પણ આમંત્રણ મોકલવામાં આવશે

સંગીતાના પિતા મહાવીર ફોગાટે જણાવ્યું, ''બજરંગ અને સંગીતા બંને એકબીજાને લાંબા સમયથી ઓળખે છે અને કોઈ પણ પ્રકારની મુશ્કેલીમાં હંમેશાં સાથે રહે છે. આથી અમે તેમનાં લગ્ન કરવાનો નિર્ણય કર્યો. હાલ બંનેની સગાઈ કરી છે. આવતા વર્ષે ઓલિમ્પિક પછી લગ્ન સમારંભ યોજાશે. લગ્નમાં દેશના વડા પ્રધાન નરેન્દ્ર મોદી સહિત અન્ય હસ્તીઓને પણ આમંત્રણ મોકલવામાં આવશે.''