ભારતની સૌથી નાની કાર બજાજ Qute સત્તાવાર રીતે 18 એપ્રિલ 2019ના રોજ લોન્ચ થશે.
ભારતની આ પ્રથમ quadricycle હશે, જે ડાયમેન્શનમાં Tata Nano કરતા નાની હશે. સાથે જ ભારતની આ સૌથી સસ્તી કાર હશે. તેના પેટ્રોલ વર્ઝનની કિંમત રૂ. 2.64 લાખ હશે, જ્યારે સીએનજી મોડલ માટે રૂ. 2.84 લાખ આપવા પડશે.
બજાજ આમ તો પહેલેથી જ વિશ્વના અન્ય દેશો માટે Qute કારનું મેન્યુફેક્ચરિંગ કરી રહી છે. સૌ પહેલા 2012ના ઓટો એક્સ્પોમાં તેને રજૂ કરવામાં આવી હતી, પરંતુ ભારતમાં એ વખતે લોન્ચિંગ શક્ય બન્યું ન હતું. 2018માં પરિવહન અને હાઇવે મંત્રાલયે વાહનોના એક નવા વર્ઝનના નિર્માણ માટે મંજૂરી આપી હતી, જેને quadricycle કહેવામાં આવે છે. તેના પગલે હવે ભારતના માર્ગો પર સત્તાવાર રીતે ક્યૂટ કાર જોવા મળશે.
આ કારનો કોમર્શિયલ અને પર્સનલ બંને પ્રકારનો ઉપયોગ કરી શકાશે. પેટ્રોલ વર્ઝનમાં આ કારની એવરેજ પ્રતિલિટર 35 કિમીની અને સીએનજી વર્ઝનમાં પ્રતિ લિટર 43 કિમીની રહેશે. આ કારની રેડિયસ અન્ય કારની તુલનાએ ઘણી ઓછી છે. તેને 3.5 એમ રેડિયસમાં સરળતાથી ટર્ન લઇ શકાશે. આ કારની સાઇઝ નાની હોવાથી ઓછા પાર્કિંગ સ્પેસમાં તેને પાર્ક કરી શકાશે.
નાની સાઇઝને કારણે સાંકડી ગલીઓ અને શહેરના ભીડભાડવાળા વિસ્તારમાં ચલાવવી સરળ રહેશે. આ કારમાં એસી રહેશે નહીં. કારમાં 12 ઇંચના સારી રોડ ગ્રીપ વાળા એલોય વ્હિલ રહેશે. વરસાદ અને તાપમાં વેધર પ્રોટેક્શન આ કારમાં મળશે.