ઑટો / આવતા મહિને લૉન્ચ થઈ રહ્યું છે સસ્તુ PULSAR, કિંમત અને ફીચર જાણીને ખુશ થઈ જશો

બજાજ આગામી દિવસોમાં અત્યાર સુધીની સૌથી સસ્તી પલ્સર NS125 લાવવાની તૈયારી કરી રહી છે. રિપોર્ટ્સમાં કહેવાયુ છે પલ્સર NS125 આગામી મહિને ભારતમાં લોન્ચ કરવામાં આવી શકે છે. આ બાઇકને ગત વર્ષે પોલેન્ડમાં લોન્ચ કરી દેવામાં આવ્યુ હતુ. જે પછી કોલમ્બિયા સહિત  અન્ય દેશોના માર્કેટમાં પણ ઉતારવામાં આવ્યુ છે. 

બજાજે કહ્યુ કે, ઓગસ્ટમાં કંપની 125ccની એક નવી બાઇક ભારતમાં લોન્ચ કરશે. માનવામાં આવી રહ્યુ છે કે, NS125 હશે કેમકે પલ્સટર 125 ઇન્ટરનેશનલ માર્કેટમાં પહેલાથી જ છે. કંપનીએ ભારતીય માર્કેટમાં પલ્સર 135 બંધ કરી દીધી છે. બજાજ પલ્સર NS125ની ડિઝાઇન NS રેન્જની બાઇકની જેમ જ છે. તેમાં નવા બોડી ગ્રાફિક્સ અને નવી કલર સ્કિમ ઉપલબ્ધ રહેશે. બાઇકમાં મેટ ફિનિશ એગ્ઝોસ્ટ મફલર, ડ્યૂલ ટોન કલર, પહોળા ટાયર અને સ્પિલ્ટ સિટ્સ આપવામાં આવી છે. તેમાં એક નાનકડુ એન્જિન  કાઉલ પણ આપવામાં આવ્યુ છે. જે બાઇકને સપોર્ટી લૂક આપે છે. 

આ ઉપરાંત પલ્સર NS125ની બાકીની ડિઝાઇન બંધ થઇ ગયેલી પલ્સર NS125 પરથી લેવામાં આવી છે. જેમ કે શાર્પ હેડલાઇટ, હાઇ વિંડસ્ક્રીન અને સેમી ડિજિટલ ઇન્સ્ટ્રૂમેન્ટ કંસોલ આપવામાં આવે છે. બ્રેકિંગની વાત કરવામા આવો તો તેમાં ફ્રન્ટ ડિસ્ક અને રિયર ડ્રમ બ્રેક આપવામાં આવેલ છે. પલ્સર 125 ઇન્ટરનેશનલ માર્કેટમાં ચાર કલર્સ બ્લેક, રેડ, વાઇટ અને યેલો કલરમાં ઉપલબ્ધ છે. 

એન્જિન:

પલ્સર NS125માં 124.45 cc, એર કૂલ્ડ, સિંગલ સિલિન્ડર, ફ્યૂલ એન્જેક્ટેડ એન્જિન જે 12bhp નો પાવર અને 11mm ટોર્ક જનરેટ કરે છે. એન્જિન 5 સ્પીડ ગિયરબોક્સથી લેસ છે. આ બજાજનું સૌથી પાવરફૂલ 125cc બાઇક છે. 

કિંમત:

આ બાઇક 125ccથી ઓછી એન્જિનની ક્ષમતા સાથે આવશે જેથી તેમાં ABS નહીં હોય અને ABS સિસ્ટમ ન હોવાને કારણે કિંમત વધારે નહી હોય. જોકે બાઇક CBSથી લેસ હશે. ભારતમાં NS125ની કિંમત 60,000 રૂપિયાની આસપાસ રહી શકે છે.