નવા અવતારમાં Bajaj Pulsar 180F થયું લૉન્ચ, જાણો ખાસિયતો અને કિંમત

દેશની બીજી સૌથી મોટી ટૂ-વ્હીલર બનાવતી કંપની બજાજ ઑટોએ પોતાની લોકપ્રિય બાઇક પલ્સર સીરિઝમાં વધારો કરતા નવા મૉડલ Pulsar 180Fને લોન્ચ કરી દેવામાં આવ્યુ છે. કંપનીએ આ બાઇકની ભારતીય બજારમાં કિંમત 87450 રૂપિયા (એક્સ-શોરૂમ, દિલ્હી) નક્કી કરવામાં આવી છે. આ બાઇકને કંપનીને ઑફિશ્યલ વેસબાઇટ પર Pulsar 180 નિયોન તરીકે લિસ્ટેડ કરવામાં આવ્યુ છે અને આ બાઇક માત્ર નિયોન ઓરેન્જ કલરમાં ઉપલબ્ધ થશે.

તમને જણાવી દઇએ કે, નવી Pulsar 180Fએ પોતાની સિબ્લિંગ 220Fની જેમ ડિઝાઇન કરવામાં આવ્યુ છે. આ બાઇકમાં કંપની એ મેટ ગ્રેને બેસ કલર આપ્યો છે અને બાઇક પર હાઇલાઇટરના તરીકે ઓરેન્જ કલરનો પ્રયોગ કર્યો છે. જે બાઇકને સ્પોર્ટી લૂક આપે છે. આ ઓરેન્જ હાઇલાઇટરને બાઇકના સાઇડ પેનલ્સઅને ફ્યૂઅલ ટેન્ક, હેડલેમ્પ, એલોય વ્હીલ પર પ્રયોગ કરવામાં આવ્યો છે.

કંપનીએ આ બાઇકમાં એન્જિન બેલી કાઉલનો પ્રયોગ કર્યો છે જે પ્લસરના અન્ય મોડલ્સમાં જોવા મળે છે. આ બાઇકમાં કંપનીએ પોતાની પારંપરિક 178.6 CCની ક્ષમતાવાળું સિંગલ સિલેન્ડર એન્જિનનો પ્રયોગ કર્યો છે. જે બાઇકને 17.02 પીએસની તાકાત અને 14.22 એનએમનુ ટોર્ક જનરેટ કરે છે. આ બાઇકમાં 5 સ્પીડ ગિયરબોક્સને શામેલ કરવામાં  આવ્યા છે. નવી પ્લસર ફ્રન્ટમાં 260 mm અને પાછળના ભાગમાં 230 mm નો ડિસ્ક બ્રેક આપવામાં આવ્યો છે. 

જોકે આ બાઇકમાં સૌથી જરૂરી ફિચર નથી આપવામાં આવ્યુ. જે આજના સમયમાં સૌથી વધારે જરૂરી છે કંપનીએ આ બાઇકમાં ABS બ્રેકિંગ સિસ્ટમને શામેલ નથી કરવામાં આવી. જ્યાં એક તરફ તમામ વાહન નિર્માતા સરકારને નિર્દેશાનુસાર પોતાના બાઇકને ABSથી લેસ કરી રહ્યા છે જ્યાં બજાજએ આમ આ ફિચર આપીને ચોંકાવી દીધા છે.