અપકમિંગ / મીડલ ક્લાસને પરવડે એવું Bajaj Pulsar 125 જલ્દી થશે લૉન્ચ, જાણો શું છે કિંમત

બજાજ ઑટો ભારતીય બજારમાં જલ્દી નવું બાઇક Pulsar 125 લૉન્ચ કરવાની છે. નવું બાઇક કંપનીની ડિલરશીપ પર પહોંચવા લાગ્યું છે. Bajaj Pulsar 125 નું લુક Pulsar 150 Neon જેવું છે. બંને બાઇક્સમાં  મુખ્ય અંતર એના એન્જીન અને બ્રેકિંગ સિસ્ટમમાં છે. લૉન્ચિંગ પહેલા આ નાના પલ્સરની કિંમત અને ફોટા લીક થઇ ગયા છે. રિપોર્ટસમાં દાવો કરવામાં આવ્યો છે કે પલ્સર 125 ની દિલ્હીમાં એક્સ શોરૂમ કિંમત 65000 રૂપિયા છે. 

બજાજ પલ્સર 125માં ડિસ્કવર 125 બાઇકમાં આપવામાં આવેલ 124.5cc, DTSi 4 સ્ટ્રોક એન્જીન હશે. ડિસ્કવરમાં આ એન્જીન 13.5 Bhp નો પાવર અને 11.4 Nm પીક ટાર્ક જનરેટ કરે છે. આ આઉટપુટ પલ્સર 125માં પણ મળશે. એન્જીન 5 સ્પીડ ગિયરબૉક્સથી લેસ છે. બાઇકના ફ્રંટમાં ડિસ્ક અને રિયરમાં ડ્રમ બ્રેક મળશે. 125 CC થી ઓછી ક્ષમતા વાળા એન્જીન હોવાને કારણે સીબીએસ (કમ્બાઇન્ડ બ્રેકિંગ સિસ્ટમ)આપવામાં આવી છે. તો બીજી બાજુ પલ્સર 150 Neon માં એબીએસ (એન્ટી લોક બ્રેકિંગ સિસ્ટમ) મળે છે, કારણ કે એનું એન્જીન 125 CC થી વધારે ક્ષમતાનું છે. 

સ્ટાઇલિંગની વાત કરીએ તો પલ્સર 125ની ડિઝાઇન પલ્સર 150 થી લેવામાં આવી છે. નવા બાઇકનું હેડલેમ્પ કાઉલ, ડિજીટલ એનાલૉગ ઇન્સ્ટ્રૂમેન્ટ કંસોલ, ફ્યૂલ ટેંક અને લાંબી સીટ પલ્સર 150 જેવી છે. એના અલૉય વીલ્ઝ અને ટાયર પણ પલ્સર 150ની જેવા છે. 

બજાજ પોતાનું આ નવું બાઇક 1255CC સેગમેન્ટમાં લાવી રહ્યું છે, જે જોરદાર પ્રતિસ્પર્ધાનું સેગમેન્ટ છે. રિપોર્ટમાં કહેવામાં આવ્યું છે કે પલ્સર 125નું બુકિંગ કંપનીની ડીલરશીપ પર શરૂ છે. માર્કેટમાં આ નવું બાઇક હીરો ગ્લેમર અને હોન્ડા સીબી શાઇન એસપી જેવી મોટરસાઇકલ્સને ટક્કર આપશે. આ ઉપરાંત બજાજનું બાઇક ડિસ્કવર 125 ને પણ આનાથી ટક્કર મળશે. 

જણાવી દઇએ કે પલ્સર 125 કોલંબિયામાં વેચાતું Pulsar NS 125 બાઇક નથી. પલ્સર એનએસ 125ની કિંમત વધારે છે અને એને ભારતમાં લૉન્ચ કરવામાં આવે એવી શક્યતા નથી.