ઓટો / નવી Bajaj Dominar 250નું લોન્ચ પહેલા રિલીઝ થયું ટીઝર, જાણો શું છે આ બાઇકની ખાસિયત

• Bajaj ઓટો Bajaj Dominar 250 બાઇક લોન્ચ કરશે
• આ Dominar બ્રાન્ડ હેઠળ બજાજની બીજી બાઇક હશે
• ડોમિનાર 250માં ટ્વિન-પૉડ એગ્જોસ્ટ સિસ્ટમ પણ આપવામાં આવશે

13 સેકન્ડના આ વીડિયોમાં 'D250' નામ બતાવાયું છે. સાથે જ બતાવાયું છે કે આ બાઇકને જલ્દી જ લોન્ચ કરવામાં આવશે. 

બજાજ ડોમિનાર 250માં નવું એન્જિન મળશે. બજાજ ઓટો પાસે હાલ 250 CCનું એન્જિન નથી. એનો અર્થ એ થયો કે નાની ડોમિનારમાં નવુ એન્જિન આપવામાં આવશે, જે KTM 250 Duke માં આપવામાં આવેલા 248.8 CC સિંગલ-સિલિન્ડર એન્જિન પર આધારિત હશે. કેટીએમમાં આ એન્જિન લગભગ 30 bhp નો પાવર અને 24 Nm પીક ટોર્ક જનરેટ કરે છે. ડોમિનોર 250માં આ એન્જિનને ઓછા પાવરની સાથે આપવામાં આવે તેવી આશા રાખવામાં આવી રહી છે. એન્જિન 6-સ્પીડ ગિયરબોક્સથી લેસ હશે. 

જો તેના લુકની વાત કરીએ તો ડોમિનાર 250ની ડિઝાઇન અને સ્ટાઇલિંગ ડોમિનાર 400 ની જેમ હશે. લીક થયેલી તસવીરોથી સ્પષ્ટ થયું છે કે નાની ડોમિનારમાં પણ અપ-સાઇડ-ડાઉન ફ્રન્ટ ફોકર્સ, રેગ્યુલર અલોય વિલ્સ, સ્પ્લિટ સીટ્સ, સ્પ્લિટ ગ્રેબ રેલ્સ અને એલઇડી ટેલલેમ્પ મળશે. ડોમિનાર 400ની જેમ ડોમિનાર 250માં ટ્વિન-પૉડ એગ્જોસ્ટ સિસ્ટમ પણ આપવામાં આવશે. 

બજાજ ડોમિનાર 400ની કિંમત 1.90 લાખ રૂપિયા છે. ડોમિનાર 250ની કિંમત લગભગ 1.45 લાખ રૂપિયા બતાવાઇ રહી છે. માર્કેટમાં તેની સ્પર્ધા Yamaha FZ25, KTM 250 Duke અને Royal Enfield Thuderbird 350X જેવી બાઇક સાથે થશે.