વર્ષ 2006ની વાત છે, બજાજ ઓટોએ પોતાની લોકપ્રિય 'ચેતક' સ્કૂટરને બંધ કરવાનો નિર્ણય લઇને દરેકને હેરાન કરી દીધા. કંપનીનો આ નિર્ણય ચેતકના ચાહકો માટે કોઇ ઝટકાથી ઓછો નહોતો. પરંતુ હવે 14 વર્ષ બાદ એકવાર ફરી 'ચેતક'ની વાપસી થઇ છે. આ વખતે 'ચેતક' ઇલેક્ટ્રિક વર્જનમાં છે.
Bajaj ઓટોએ મંગળવારે 'ચેતક' સ્કુટર લોન્ચ કર્યું
બજાજનું લોકપ્રિય 'ચેતક' ઇલેક્ટ્રિક સ્કૂટર બે વેરિએન્ટ-ઇકો અને સ્પોર્ટ મોડમાં મળશે
'ચેતક' નું બુકિંગ કાલે એટલે કે 15 જાન્યુઆરીથી શરૂ થશે
15 જાન્યુઆરીથી બુકિંગ
બજાજ ઓટોએ મંગળવારે 'ચેતક' સ્કુટર લોન્ચ કર્યું. તેની શરૂઆતી કિંમત 1 લાખ રૂપિયા છે. તેની બુકિંગ કાલે એટલે કે 15 જાન્યુઆરીથી શરૂ થશે. રિપોર્ટ મુજબ 2 હજાર રુપિયામાં કંપનીની વેબસાઇટથી ચેતક ઇલેક્ટ્રિક સ્કુટરને બુક કરવામાં આવી શકશે. ગત વર્ષે 16 ઓક્ટોબરે તેનો ફર્સ્ટ લુક બતાવાયો હતો. આ સ્કૂટરનું વેચાણ સૌથી પહેલા પૂણેમાં થશે. ત્યારબાદ બેંગાલુરુ સિવાય અન્ય શહેરોમાં પણ ઉપલબ્ધ થશે.
બુકિંગ માટે ઓનલાઇન અને ઓફલાઇન ઓપ્શન
બજાજના 'ચેતક' સ્કૂટરની બુકિંગ માટે ઓનલાઇન અને ઓફલાઇન ઓપ્શન છે. ઓનલાઇન રીતે બજાજ ચેતકની વેબસાઇટ https://www.chetak.com/ પર ઓપ્શન મળવાની આશા છે જ્યારે ઓફલાઇનમાં ડીલર્સથી બુકિંગની સંભાવના છે.
આ છે ફીચર્સ
બજાજનું લોકપ્રિય 'ચેતક' ઇલેક્ટ્રિક સ્કૂટર બે વેરિએન્ટ -ઇકો અને સ્પોર્ટ મોડમાં મળશે. કંપની ઇકો મોડમાં 95 કિલોમીટરની રેન્જમાં ઓફર કરશે જ્યારે સ્પોર્ટ મોડમાં આ સ્કૂટર 85 કિલોમીટરની રેન્જ આપશે. ત્યારે ગ્રાહકોને આ સ્કૂટર 6 કલર ઓપ્શનમાં મળશે. સેફ્ટીની વાત કરીએ તો ઇન્ટીગ્રેટેડ બ્રેકિંગ સિસ્ટમ મળશે. તેમા મોટો ડિજિટલ ઇન્સ્ટ્રૂમેન્ટ પેનલ હશે જે સ્માર્ટફોન અને ટર્ન બાય ટર્ન નેવિગેશન માટે બ્લૂટૂથ કનેક્ટિવિટીને પણ સપોર્ટ કરશે.
આ ઉપરાંત ફ્રન્ટ અને રિયર ડિસ્ક બ્રેક મળવાની સંભાવના છે. તથા LED હેડલેમ્પ અને ટેલ લાઇટ, ટેલિસ્કોપિક ફ્રન્ટ ફોકર્સ અને મોનોશોક, સ્ટેપ્ડ સીટ્સ મળી શકે છે. નવા ચેતકમાં ફિક્સ્ડ ટાઇપ Li-Ion બેટરી હશે અને આ પોર્ટેબલ નહીં હોય. તેને સ્ટાન્ડર્ડ 5-15 amp આઉટલેટથી ચાર્જ કરી શકો છો. ગ્રાહકોને હોમ ચાર્જિંગ સ્ટેશનનું પણ ઓપ્શન મળશે.
નોંધનીય છે કે, બજાજના ચેતકને 1972માં પહેલીવાર લોન્ચ કરવામાં આવ્યું હતું. લગભગ 3 દાયકાના દબદબા બાદ કંપનીએ ચેતકને 2006માં બંધ કરવાનું એલાન કર્યું હતું. કેટલાક વર્ષોથી બજાજનું ફોક્સ બાઇક બનાવવા પર છે.