ન્યૂ લૉન્ચ / Bajaj Chetak Electric Scooterની આતુરતાનો આવ્યો અંત, ફીચર્સ અને કિંમત જાણીને તમે પણ કરાવશો બુક

• Bajajએ ગત વર્ષે 2019માં 16 ઓક્ટોબરે એને ભારતમાં લૉન્ચ કર્યું હતું
• આ વર્ષે Bajaj Chetak Electric Scooter મકર સંક્રાંતિના તહેવારે લૉન્ચ થશે

ફીચર્સ 
બજાજે નવું Chetak Electric Scooterને ઇલેક્ટ્રિક ડિવિઝન બ્રાન્ડ Urbanite હેઠળ બનાવવામાં આવ્યું છે.સ્કૂટરનું લુક ખૂબ જ આકર્ષક અને પ્રીમિયમ છે. બજાજે આ સ્કૂટરમાં ઘણા બધા પ્રીમિયમ ફીચર્સ પણ સામેલ કર્યા છે. એમાં ફુલી ડિજીટલ ઇન્સ્ટ્રૂમેન્ટ સ્પીડોમીટર લાગેલું છે. જેમાં ઘણા પ્રકારની જાણકારીઓ જોવા મળે છે. તમને જણાવી દઇએ કે આ ઇલેક્ટ્રિક સ્કૂટરમાં કી-લેસ ઇગ્નિશન છે. આ સ્કૂટર મોબાઇલ એપ દ્વારા ફુલી કનેક્ટેડ હશે. સ્કૂટરની ફ્રંટમાં હેડલેમ્પ્સની નજીક એક ઓવલ LED સ્ટ્રિપ આપવામાં આવી છે. આ સ્કૂટર છ રંગો સાથે ઉપલબ્ધ હશે. 

બેટરી
Chetak Electric Scooterમાં IP67 હાઇ-ટેક લીથિયમ-આયન બેટરી પેક લાગેલી છે. ચેતક ઇલેક્ટ્રિકમાં ફાર્સ્ટ ચાર્જિંગ સપોર્ટ નથી. એની બેટરીને 5-15 amp સૉકેટથી 3-5 કલાકમાં ફુલ ચાર્જ કરી શકાશે. ચેતક ઇલેક્ટ્રિકની બેટરીને રિમૂવ કરી શકાશે નહીં. સ્કૂટરમાં બે ડ્રાઇવ મોડ્સ ઇકો અને સ્પોર્ટ આપવામાં આવ્યા છે. કંપનીનો દાવો છે કે ફુલ ચાર્જિગ બાદ ઇકો મોડમાં આ 95 કિલોમટર સુધીનું અંતર કાપશે. જ્યારે સ્પોર્ટ મોડમાં આ સ્કૂટર 85 કિલોમીટરની રેન્જ આપશે. 

કિંમત 
Bajajએ Chetakની કિંમતનો ખુલાસો કર્યો નથી. કંપની લૉન્ચિંગ સમયે જ એની કિંમતની જાહેરાત કરશે. જો કે કંપનીએ એવું કહ્યું છે કે ચેતક ઇલેક્ટ્રિક ની કિંમત આકર્ષિત હશે. એની કિંમત 1.4 લાખ રહે એવી શક્યતા છે. 

મળતા રિપોર્ટ્સ અનુસાર Bajaj Chetakનું શરૂઆતનું વેંચાણ પૂનામાં થશે. ત્યારબાદ બેંગ્લોર અને પછી અન્ય મેટ્રો શહેરમાં આ વેંચાણ માટે ઉપલબ્ધ હશે.