વડોદરાનાં વાઘોડિયામાં ધારાસભ્ય મધુ શ્રીવાસ્તવે ફરી એક વાર હુંકાર કર્યો છે. મધુ શ્રીવાસ્તવે લોકસભા ચૂંટણી પહેલાં જણાવ્યું કે આગામી ચૂંટણીમાં એક બાહુબલીની જરૂર છે. જેથી હું બાહુબલી તરીકે ચૂંટણી લડવા માટે ટિકિટ માગું છું અને દેશની સેવા કરવા માંગુ છું. મધુ શ્રીવાત્સવે જણાવ્યું કે તમે મને બાહુબલી બનાવ્યો છે અને આશા છે કે ભાજપ મને ટિકિટ આપે તો બાહુબલી તરીકે હું જીતીને દેશની સેવા કરી શકું.
મહત્વનું છે કે મધુ શ્રીવાસ્તવ પોતાનાં નિવેદનોને લઈને પણ ચર્ચામાં રહે છે અને આ અગાઉ પણ ચૂંટણી લડવા અંગે અનેક વાર હુંકાર કરી ચૂક્યાં છે. તાજેતરમાં જ મધુ શ્રીવાસ્તવે કહ્યું હતું કે આટલાં વર્ષો વાઘોડિયામાં લોકોની સેવા કરી છે. તો આગામી સમયમાં સાંસદ બનીને પણ લોકોની સેવા કરવા માંગુ છું.