જાણવા મળ્યું છે કે રાણા દગ્ગાબુતી ની મા લક્ષ્મીએ એને કિડની દાન કરી છે. આ રિપોર્ટ્સ પર દગ્ગુબાતીએ કહ્યું હતું કે આ માત્ર એક અફવા છે. પરંતુ તાજેતરમાં આવેલા એક ફોટાએ દગ્ગુબાતીના ફેન્સને પરેશાનીમાં નાંખી દીધા છે.
રાણા દગ્ગુબાતીએ પોતાના ઇન્સ્ટાગ્રામ પર એક ફોટો શેર કર્યો છે
રાણા દગ્ગાબુતી ની મા લક્ષ્મીએ એને કિડની દાન કરી છે
પોતાના બિગ બજેટ ફિલ્મના પ્રી પ્રોડક્શનનું કામ કરી રહ્યો છે
'બાહુબલી' ફેમ રાણા દગ્ગુબાતી છેલ્લા કેટલાક દિવસોથી પોતાના સ્વાસ્થ્યને લઇને ચર્ચામાં છે. થોડાક દિવસો પહેલા એવી માહિતી મળી હતી કે એને કિડની ટ્રાન્સપ્લાન્ટ કરાવી છે. જાણવા મળ્યું છે કે રાણા દગ્ગાબુતી ની મા લક્ષ્મીએ એને કિડની દાન કરી છે. આ રિપોર્ટ્સ પર દગ્ગુબાતીએ કહ્યું હતું કે આ માત્ર એક અફવા છે. પરંતુ તાજેતરમાં આવેલા એક ફોટાએ દગ્ગુબાતીના ફેન્સને પરેશાનીમાં નાંખી દીધા છે.
રાણા દગ્ગુબાતીએ પોતાના ઇન્સ્ટાગ્રામ પર એક ફોટો શેર કર્યો છે. એમાં એક બ્રાન્ડનું પ્રમોશન કરતો જોવા મળી રહ્યો છે. ક્યારેક હલ્ક જેવી બોડી બનાવનાર રાણા આ ફોટોમાં ખૂબ જ સ્લિમ નજરે આવી રહ્યો છે. એનો ફોટો આવ્યા બાદ હવે ફેન્સ અલગ અલગ પ્રકારનો અંદાજો લગાવી રહ્યા છે.
કોઇ ફેને રાણા દગ્ગુબાતીએ આ ફોટા પર કમેન્ટ કરતા લખ્યું કે એ ખૂબ જ વધારે નબળો લાગી રહ્યો છે તો કોઇ પૂછી રહ્યું છે કે બધું યોગ્ય છે ને? ઘણા લોકોએ આ ફોટાને જોઇને વિશ્વાસ કર્યો નહીં.
થોડાક દિવસો અગાઉ પોતાની બિમારીઓની અફવા પર રાણાએ કહ્યું હતું કે, 'એના સ્વાસ્થ્યને કંઇ થયું નથી. એને કહ્યું, 'આ ન્યૂઝ ખોટા છે. હું એની સ્પષ્ટતા આપી આપીને થાકી ગયો છું. હું બિલકુલ ફિટ અને ફાઇન છું. મારા ખ્યાલથી મારું સ્વાસ્થ્ય ખરાબ થવાનો ટોપિક ખૂબ બોરિંગ છે. પરંતુ મને ખુશી છે કે લોકો મને આટલો પ્રેમ કરે છે અને એમને મારી ચિંતા છે.'
રાણાએ એવું પણ જણાવ્યું કે એ પોતાના બિગ બજેટ ફિલ્મના પ્રી પ્રોડક્શનનું કામ કરી રહ્યો છે. ફિલ્મનું નામ 'હિરણ્યકશ્યપ' છે. આ એક ધાર્મિક ફિલ્મ છે. આ ફિલ્મને મોટા સ્તર પર બનાવવામાં આવી છે.