વડોદરામાં બગલામુખી મંદિરના પાખંડી મહંત પ્રશાંત ઉપાધ્યાય વિરૂદ્ધ દુષ્કર્મની ફરિયાદ નોંધાઇ હતી. પાખંડી પ્રશાંત સામે કિશોરી પર 12 વખત દુષ્કર્મ આચર્યાની ફરિયાદ નોંધાઇ હતી. ત્યારે હવે પ્રશાંતની મદદ કરનારી શિષ્યા દિશા સચદેવ ઉર્ફે જોનની ધરપકડ બાદ કોર્ટે તેના 2 દિવસના રિમાન્ડ મંજૂર કર્યા છે. ત્યારે દિશાની પૂછપરછ દરમિયાન કેટલાક ઘટસ્ફોટ થયા છે.
પાખંડી પ્રશાંતે કિશોરી સાથે 5 વર્ષમાં 12 વખત દુષ્કર્મ આચર્યું હતું
પ્રશાંતની ભાગીદાર દિશા સચદેવના કોર્ટે 2 દિવસના રિમાન્ડ મંજૂર કર્યા
દિશા પીડિતાઓને તાંત્રિકના બેડરૂમ સુધી મોકલવાનું કામ કરતી હતી
પાખંડી મહંત પ્રશાંત ઉપાધ્યાયે 2015માં સેવકની પુત્રી પર દુષ્કર્મ આચર્યુ હતું. સેવકની પુત્રીનો વીડિયો ઉતારી બદનામીની ધમકી આપી હતી. ગુરૂની સેવા કરવાના બહાને મહંત બોલાવતો હતો. ગોત્રી પોલીસ સ્ટેશનમાં પ્રશાંત ઉપાધ્યાય સામે દુષ્કર્મની ફરિયાદ નોંધાઇ હતી. સાથે તેની 3 મહિલા અનુયાયી સામે પણ ફરિયાદ નોંધાઇ હતી. ત્યારબાદ પોલીસે પાખંડીની મદદ કરનાર શિષ્યા દિશા સચદેવ ઉર્ફે જોનની ધરપકડ કરી હતી. તો આજે પ્રશાંતની ભાગીદાર દિશા સચદેવના કોર્ટે 2 દિવસના રિમાન્ડ મંજૂર કર્યા છે.
બીજી તરફ અન્ય એક આરોપી દિક્ષા(સીમા) જસવાની વિદેશમાં છે, જ્યારે ઉન્નતી જોશીનું સરનામું પોલીસ શોધી રહી છે. પાખંડી પ્રશાંતની જેલમાંથી ધરપકડ કરવા ગોત્રી પોલીસે કવાયત શરૂ કરી છે. પાખંડી દુષ્કર્મ પહેલા કોઇ દવાનું સેવન કરતો હોવાનો પીડિતાએ ઘટસ્ફોટ કર્યો હતો.
ઘટસ્ફોટઃ દિશા પીડિતાઓને તાંત્રિકના બેડરૂમ સુધી મોકલવાનું કામ કરતી હતી
પોલીસની આકરી પૂછપરછ દરમિયાન દિશા(જોન) રડી પડી હતી. દિશાએ પોતાનો બચાવ કરતાં પોલીસને જણાવ્યું હતું કે મારી સાથે પણ ટોર્ચરિંગ કરાયું હતું. હું સત્સંગના વીડિયોનું એડિટિંગ કરતી હતી અને તેનો મને 8 હજાર પગાર મળતો હતો. તેની અન્ય બે સાથીદાર સેવિકા પૈકી દિક્ષા ઉર્ફે સીમા હાલ દુબઇ હોવાની માહિતી તેણે આપી હતી, પણ ઉન્નતિ ક્યાં છે એની માહિતી ન હોવાનું તેણે જણાવ્યું હતું. પોલીસ તપાસમાં ઘટસ્ફોટ થયો હતો કે દિશા જોન પીડિતાઓને તાંત્રિકના બેડરૂમ સુધી મોકલવાનું કામ કરતી હતી. સાથે પ્રશાંતના તમામ વીડિયોનું એડિટિંગ પણ એ જ કરતી હતી.
બિલ્ડરને દુઃખ દૂર કરવાની ઢોંગી પ્રશાંત ઉપાધ્યાયે લાલચ આપી હતી
વડોદરામાં ઢોંગી પ્રશાંત ઉપાધ્યાય સામે વધુ એક ફરિયાત થઈ હતી. શહેરના બિલ્ડરે પાંચ કરોડની છેતરપિંડીની ફરિયાદ કરી હતી. બિલ્ડરને દુઃખ દૂર કરવાની ઢોંગી પ્રશાંત ઉપાધ્યાયે લાલચ આપી હતી. બંગ્લો રીનોવેશન કરવાના પાંચ કરોડ ખર્ચ કર્યા હોવાના બિલ્ડરે આક્ષેપ કર્યા છે. મહત્વનું છે કે, અગાઉ પણ ઢોંગી સામે અનેક ફરિયાદ થઈ છે. 15 દિવસ પહેલા પ્રશાંત ઉપાધ્યાયે દવા પીને આપઘાત કરવાનો પ્રયાસ કર્યો હતો.
પીડિતાનું 164 મુજબનું નિવેદન લેવાશે
પાખંડી પ્રશાંત સામે દુષ્કર્મની ફરિયાદ નોંધાવનારી પીડિતાનું CRPC 164 મુજબનું નિવેદન લેવાની તજવીજ હાથ કરાઈ છે. આ ઉપરાંત પ્રશાંતે અન્ય કેટલી મહિલાઓના વીડિયો ઉતાર્યા છે અને દુષ્કર્મ આચર્યું તેની પણ તપાસ શરૂ કરી દેવામાં આવી છે. પ્રશાંત સામે અગાઉ નોંધાયેલી દુષ્કર્મ અને ઠગાઇની ફરિયાદના કેસમાં હાલ પાખંડી વડોદરા સેન્ટ્રલ જેલની હવા ખાઇ રહ્યો છે. આ કેસમાં પૂછપરછ કરવા ગોત્રી પોલીસે તેનો જેલમાંથી ટ્રાન્સફર વોરંટ દ્વારા કબજો લેવાની પણ કાર્યવાહી શરૂ કરી છે.
પાખંડી પ્રશાંતે કિશોરી સાથે 5 વર્ષમાં 12 વખત દુષ્કર્મ આચર્યું હતું
5 વર્ષમાં કિશોરી સાથે પ્રશાંતે કરેલા દુષ્કર્મની ફરિયાદ નોંધાવતાં કિશોરીએ પોલીસને જણાવ્યું હતું કે વેકેશન દરમિયાન હું પ્રશાંતના દયાનંદ પાર્કના આશ્રમમાં રહીને સેવા કરતી હતી. પ્રશાંતે તારા શરીરમાં દૈવીશક્તિનું સ્થાપન કરીશ તેવું કહ્યું હતું. દિશા અને દીક્ષાએ તેને પ્રશાંત પાસે મોકલી હતી, જ્યાં પાખંડી પ્રશાંતે બે વખત દુષ્કર્મ કર્યું હતું. દિશા(જોન), દીક્ષા અને ઉન્નતિ જોષી પણ ત્યાં નીચે હોવા છતાં બચાવવા આવી ન હતી. તેની સાથે 5 વર્ષમાં 12 વખત દુષ્કર્મ કરાયું હતું તેવું કિશોરીએ જણાવ્યું હતું. પ્રશાંતે વીડિયો વાયરલ કરવાની ધમકી પણ આપી હતી.
કિશોરી પગ દબાવવા જતાં પ્રશાંતે કહ્યું - તું મને બહુ ગમે છે, I Love U, તારા વગર હું જીવી શકીશ નહીં
પ્રશાંતે પગ દબાવવા નામે કિશોરીને તેના રૂમમાં બોલાવી હતી. આ દરમિયાન પ્રશાંતે કિશોરીને કહ્યું હતું કે 'તું મને બહુ ગમે છે, I Love U, હું તારા વગર નહીં જીવી શકું. તારું ફિગર મને બહુ ગમે છે' આવું કહેતા કિશોરી ડરી ગઈ હતી. બીજા દિવસે તેમની સેવિકા દિશા, દીક્ષા અને ઉન્નતિએ ગુરુજી તારી ભલાઈ માટે કરી રહ્યા છે તેવું કહી ફરી તેને ગુરુજી પાસે મોકલી હતી. આ દરમિયાન તેમની સાથે દુષ્કર્મ આચર્યું હતું.