U-19 વર્લ્ડકપ / બાંગ્લાદેશના બોલરે એવો થ્રો કર્યો કે માથે વાગતા માંડ બચ્યો ભારતીય બેટ્સમેન, માફી માંગવાનો કર્યો ઇનકાર

સક્સેના આ ઘટનાથી ચકિત થઇ ગયો હતો અને તેણે અમ્પાયર તરફ ઈશારો કર્યો હતો. અમ્પાયર પણ સાકીબના વર્તનથી નારાજ હતા. સાકીબે આમ કરવા છતાં માફી માંગી નહોતી. એના બદલે તેણે ભારતીય ઓપનર બેટ્સમેન સાથે ચડસાચડસી કરી હતી. આ ઉપરાંત શોરિફુલ ઇસ્લામે વચ્ચે પડીને મામલો થાળે પાડવાની કોશિશ કરી હતી. 

ક્રિકેટર આકાશ ચોપરાએ ટ્વીટર ઉપર સાકીબની ટીકા કરી હતી.

Decent fast bowling resources for B’desh. Would really appreciate if Sakib let his ball do most of the talking though....don’t really like U-19 cricketers misunderstanding passion. #U19CWC

— Aakash Chopra (@cricketaakash) February 9, 2020

મેચમાં બાંગ્લાદેશના બોલર્સે ભારતીય ઇનિંગ્સને 177 રનમાં સમેટી લીધી. ભારત 13 ઇનિંગ્સ બાદ પહેલી વખત ઓલ આઉટ થયું હતું. યશસ્વી જયસ્વાલ સિવાય તમામ બેટ્સમેન સસ્તામાં આઉટ થઇ ગયા હતા. જયસ્વાલે લડાયક 88 રન ફટકાર્યા હતા. બાંગ્લાદેશ તરફથી પરવેઝે ઓપનીંગ બેટ્સમેન તરીકે 47 રન ફટકાર્યા હતા. બીજા બેટ્સમેનો નિષ્ફળ ગયા હોવા છતાં અંતિમ તબક્કે કેપ્ટન અકબર અલીએ બાજી સાંભળીને બાંગ્લાદેશને જીત અપાવી હતી.

આજે સાતમી વખત ફાઈનલમાં ઉતરેલી U 19 ભારતીય ક્રિકેટ ટીમ સતત બીજા વર્ષે વિશ્વકપ જીતવા માટે મહેનત કરી રહ્યું હતું. ભારતીય ટીમે સેમીફાઈનલમાં પાકિસ્તાનને માત આપી હતી. આજે ભારત પાસે ઈતિહાસ રચી દેવાની તક હતી. અન્ડર 19 વર્લ્ડકપમાં હંમેશાથી ભારતનો દબદબો રહ્યો છે. મેચમાં યશસ્વીએ ધુઆંધાર બેટિંગ કરી હતી.  જોકે બાદમાં બાંગ્લાદેશના બોલર્સને એક બાદ એક સફળતાઓ મળી રહી હતી. ભારતીય ટીમ પૂરા 50 ઓવર રમી પણ ન શકી અને ઓલ આઉટ થઇ ગઈ. ફાઈનલ મેચમાં બાંગ્લાદેશને 178 રનનો ટાર્ગેટ આપ્યો હતો. 

આજે ભારત અને બાંગ્લાદેશ વચ્ચે અન્ડર 19 વર્લ્ડ કપની ફાઈનલ મેચ રમવામાં આવી હતી. ભારતની સૌથી પહેલી વિકેટ માત્ર 9 રનના સ્કોર પર જ પડી હતી. દિવ્યાંશ સક્સેના 2 રન બનાવી આઉટ થયા હતા. આજની મેચમાં બાંગ્લાદેશે ટોસ જીતીને ભારતને બેટિંગ કરવા આમંત્રણ આપ્યું હતું. અન્ડર 19 વર્લ્ડ કપમાં વર્ષોથી ભારતનો દબદબો છે. આ વર્ષે પ્રિયમ ગર્ગની કેપ્ટનશીપમાં ભારતીય ટીમ પાસે સતત બીજા વર્ષે વર્લ્ડકપ જીતવાનો મોકો હતો. આજની મેચમાં યશસ્વી જયસ્વાલે શાનદાર પ્રદર્શન કર્યું હતું. 121 બોલમાં 88 રન કર્યા યશસ્વીએ આઠ ચોક્કા અને 1 સિક્સ ફટકારી હતી.