સમાજદ્રોહીનું કૃત્ય / ભાભી સાથે દિયરવટું કર્યું તો નાના ભાઈને બે મોટા ભાઈઓએ ગોળીએ દીધો, પત્નીને વિધવા જ રાખી

ભાભી સાથે દિયરવટામાં એક યુવાનને જીવ ખોવાનો વારો આવ્યો અને પોતાના સગા બે મોટા ભાઈઓને હાથે મર્યો. યુપીના બાગપતમાં બનેલી આ ચોંકાવનારી ઘટનામાં બે સગા ભાઈઓએ ગોળી મારીને નાના ભાઈની હત્યા કરી નાખી હતી. આ નાના ભાઈએ તાજેતરમાં પોતાની ભાભી સાથે દિયરવટાં વાળ્યાં હતા, જેનાથી તેઓ બન્ને નારાજ હતા. બન્ને ભાઈઓએ વેર તો વાળી લીધું પરંતુ જે વિધવાનું જીવન નવપલ્લિત થવાનું હતું તે પણ ફરી વાર ઉજાડી મૂક્યું.

ભાઈના મૃત્યુ પછી ભાભી સાથે લગ્ન કર્યા

બાગપત જિલ્લાના ગુરાના ગામમાં એક યુવકની તેના બે મોટા ભાઈઓએ કથિત રીતે લગ્નના ગુસ્સામાં હત્યા કરી નાખી. બાગપતના અધિક પોલીસ અધિક્ષક એનપી સિંહે શનિવારે જણાવ્યું હતું કે શુક્રવારે રાત્રે લગભગ 10 વાગે બરૌત પોલીસ સ્ટેશનને ગુરાના ગામમાં એક યુવકની હત્યાની માહિતી મળી હતી.પોલીસ ઘટનાસ્થળે પહોંચી અને પ્રારંભિક તપાસ દરમિયાન તેમને જાણવા મળ્યું કે મૃતકનું નામ યશવીર (32) છે, તેના પિતાનું નામ ઈશ્વર છે. તેમણે કહ્યું કે પોલીસને પ્રાથમિક તપાસ દરમિયાન જાણવા મળ્યું કે ઈશ્વરને ચાર પુત્રો છે જેમના નામ સુખબીર, ઓમવીર, ઉદયવીર અને યશવીર છે. તેમાંથી સુખબીરના લગ્ન રિતુ નામની છોકરી સાથે થયા હતા, પરંતુ લગ્નના થોડા વર્ષો પછી સુખવીરનું મૃત્યુ થઈ ગયું, ત્યારબાદ પરિવારે રીતુના લગ્ન તેના સાળા યશવીર સાથે કર્યા.

ઉદયવીર અને ઓમવીરની ધરપકડ

પોલીસે જણાવ્યું કે યશવીરના મોટા ભાઈઓ ઉદયવીર અને ઓમવીર આનાથી ગુસ્સે થયા અને તેઓએ યશવીરને ગોળી મારી દીધી. તેમણે કહ્યું કે પોલીસે તાત્કાલિક કાર્યવાહી કરી અને બંને ભાઈઓ ઉદયવીર અને ઓમવીરની ધરપકડ કરી.

ભાભીને વિધવા જ રાખી

બે મોટા ભાઈઓએ ભાભીના થનારા પતિ (દિયર)ની હત્યા કરીને તેને વિધવા જ રાખી હતી. પરિવારવાળાએ વિધવાને નવું જીવન આપવાનો પ્રયાસ કર્યો પરંતુ બન્ને વિલન સાબિત થયાં.

વધુ વાંચો : ચાલુ લગ્નમાંથી ભાગી ગયો વરરાજા, દુલ્હને 20 કિલોમીટર સુધી પીછો કરી પકડી પાડ્યો અને મંદિરમાં જ કરી લીધા લગ્ન

શું છે દિયરવટાં

લગભગ દરેક સમાજમાં જોવા મળતી આ પ્રથામાં મોટા ભાઈના મોત બાદ તેની વિધવા પત્ની સાથે નાનો ભાઈ ફેરા ફરે છે અને તેને તેની પત્ની બનાવે છે જેથી કરીને તેની આખી જિંદગી વિધવા ના રહેવું પડે અને પોતાના જ ઘરમાં તેનું ગોઠવાઈ જાય.