IS એટલે કે ઇસ્લામિક સ્ટેટના વડા તરીકે બગદાદી પોતાની જાતને ખલીફ તરીકે ઓળખાવતો હતો. આ ઓપરેશનમાં અમેરિકાના સ્પેશ્યલ ડેલ્ટા ફોર્સે બગદાદીના આવાસ પર હેલિકોપ્ટરો ઉતારીને તેની ઉપર ગોળીબાર કર્યો હતો. આ ગોળીબારમાં બગદાદીએ પોતે સુસાઇડ વેસ્ટ પહેરીને પોતાની જાતને ઉડાવી દીધી હતી. આ ઓપરેશનમાં અમેરિકાનો એક પણ સૈનિક મૃત્યુ પામ્યો નહોતો પણ બગદાદી ઘણા સાથીઓ માર્યા ગયા હતા.
ન્યુઝ એજન્સી AFP વડે મળેલી જાણકારી અનુસાર બગદાદીને એક સમુદ્રમાં દફનાવામાં આવ્યો છે. જો કે આ સમુદ્રને લગતી ડિટેલ્સ હજુ સામે આવી નથી.
આતંકનું બીજું નામ હતો બગદાદી
સમાચાર એજન્સી FAના રિપોર્ટ મુજબ બગદાદીને એક ક્રૂર આતંકી તરીકે આખી દુનિયા યાદ રાખશે. દુનિયાભરમાં ધર્મના પવિત્ર યુદ્ધના નામે તે હજારો નિર્દોષોના મોત માટે જવાબદાર હતો. મૃત્યુના સમયે બગદાદી 48 વર્ષનો હતો.
બગદાદી તેની ક્રૂરતાની પરાકાષ્ઠા વટાવતી ફાંસી, ટોર્ચર, માથું વાઢી નાખવું જેવી અરેરાટી ઉપજાવતી વિડિયોઝ પણ શેર કરતો હતો.
મોત નજીક દેખાતા બગદાદી રડવા લાગ્યો હતો અંતે તે બાળકો સાથે મરી ગયો
ટ્રમ્પે જણાવ્યું હતું કે બગદાદી સુરંગમાંથી ભાગવા ગયો હતો પણ તે સુરંગમાંથી નીકળવાનો રસ્તો ન હોઈ તે નીકળી શક્યો નહોતો. બગદાદી મુંઝવણમાં મુકાયો હતો અને રડવા પણ લાગ્યો હતો. ટ્રમ્પે એમ પણ જણાવ્યું હતું કે પહેલાં તો આખા કેમ્પર્સને ખાલી કરાવ્યું હતું. કેટલાકે સરેન્ડર કર્યં તો કેટલાક માર્યા ગયાં હતાં. જો કે 11 બાળકોને બહાર કાઢવામાં આવ્યા હતાં. બગદાદીએ તેના 3 બાળકો સાથે ભાગવાનો વ્યર્થ પ્રયાસ કર્યો હતો.
