તારક મહેતા કા ઉલ્ટા ચશ્મામાં એકથી એક ચડિયાતા કલાકાર છે. જે દર્શકોને ખૂબ હસાવે છે. જેથી જો એક પણ કલાકારની ગેરહાજરી વર્તાય તો શોમાં કંઈક ખૂટે એવું લાગે છે. ઘણાં સમયથી બાઘા એકલો જ દેખાય છે, પરંતુ હવે એવા સમાચાર છે કે બાઘાની ગર્લફ્રેન્ટ બાવરી શોમાં ફરી એન્ટ્રી લઈ શકે છે.
તારક મહેતામાં આ પાત્રની ગર્લફ્રેન્ટ આવશે પાછી
બાઘાની બાવરી શોમાં લેશે એન્ટ્રી
બાવરીની જગ્યાએ કોણ એન્ટ્રી લેશે તે સસ્પેન્સ છે
હવે બાવરીનો રોલ કોણ પ્લે કરશે તેની પર સસ્પેન્સ બનેલું છે. મોનિકા ભદોરિયાએ તારક મહેતા કા ઉલ્ટા ચશ્મા છોડી દીધું હતું. આ વિશે એક્ટ્રેસે પોતે જણાવ્યું હતું. હવે એવા સમાચાર છે કે, શોમાં મેકર્સે મોનિકાનું રિપ્લેસમેન્ટ શોધી લીધું છે.
શોમાં એવું બતાવ્યું હતું કે, જેઠાલાલ બાઘા અને નટ્ટૂ કાકાના ઘરે જાય છે. જેઠાલાલ ત્યાં જઈને બાઘાને પૂછે છે કે, બાવરી ક્યાં છે. તો બાઘા જેઠાલાલને જણાવે છે કે, તે લંડન મેકઓવર માટે ગઈ છે. અવે એવું માનવામાં આવી રહ્યું છે કે, બાઘા બોયની ગર્લફ્રેન્ડ બાવરી લંડનથી પાછી આવવાની છે. એટલે કે શોમાં નવી એક્ટ્રેસની એન્ટ્રી થઈ શકે છે. જોકે, હાલ આ અંગે કોઈ ઓફિશિયલ એનાઉન્સમેન્ટ કરવામાં આવી નથી.
આ પહેલાં જ્યારે મેકર્સને સોનૂના કેરેક્ટર માટે નવી એક્ટ્રેસ પસંદ કરી હતી ત્યારે તેની પણ ધમાકેદાર એન્ટ્રી બતાવી હતી. સોનૂ વિશે વારંવાર દરેક શોમાં વાત કરવામાં આવી રહી હતી. જેથી દર્શકોના મનમાં વધુ એક્સાઈટમેન્ટ રહે.
અત્યારે બાવરી માટે પણ આવો જ બઝ ક્રિએટ કરવામાં આવી રહ્યો છે. હવે જોવાનું એ રહ્યું કે, શું શોમાં ખરેખર નવી બાવરી આવવાની છે? અને હાં, તો કઈ એક્ટ્રેસ તેના રોલમાં જોવા મળશે. જોકે, ગમે તે એક્ટ્રેસ શોમાં એન્ટ્રી લે, તે દર્શકો માટે તો મજા જ લઈને આવશે.