આસ્થા / ઈચ્છા પૂરી કરવા દર્શન માટે જતાં લોકોના સપનામાં આવે છે હનુમાનજી, બાગેશ્વર ધામને લઈને લોકોમાં છે આવી માન્યતા

• બાગેશ્વર ધામ મંદિરમાં અરજી કરતા સપનામાં આવે છે હનુમાનજી
• જાણો, બાગેશ્વર ધામ મંદિર સાથે જોડાયેલી અમુક ખાસ વાતો
• સામાન્ય મંદિરોની જેમ અહીં અરજી કરવાની રીત થોડી અલગ છે

બાગેશ્વર ધામ મંદિર અમુક ચમત્કારો માટે જગપ્રસિદ્ધ

ભગવાનની કૃપા મેળવવા અને જીવનને સુખમય બનાવવા માટે લોકો મંદિર જાય છે. ભગવાનની આગળ ગુહાર લગાવે છે કે તેમને ટૂંક સમયમાં દુ:ખમાંથી મુક્તિ મળે. આવુ બાગેશ્વર ધામ મંદિર પણ પોતાના અમુક ચમત્કારો અને રહસ્યમયી ઘટનાઓ માટે જગપ્રસિદ્ધ છે. હાલમાં બાગેશ્વર ધામનુ સરકાર મંદિર ખૂબ ચર્ચામાં છે. બાગેશ્વર ધામના પ્રસિદ્ધ મંદિરમાં પંડિત ધીરેન્દ્ર શાસ્ત્રીનો દરબાર હોય છે. ભક્તોની સમસ્યાઓને પહેલા જાણનારા ધીરેન્દ્ર શાસ્ત્રીના દર્શન કરવા ભક્તો લાખોની સંખ્યામાં બાગેશ્વર ધામ મંદિર પહોંચી રહ્યાં છે. 

બાગેશ્વર ધામમાં હનુમાનજીનુ બાલાજી રૂપ બિરાજમાન

બાગેશ્વર ધામમાં સ્થિત મંદિરને લઇને એવી માન્યતા છે કે અહીં જ્યારે કોઈ વ્યક્તિ મનોકામના પૂરી કરવા માટે અહીં અરજી કરે છે તો તે ફટાફટ પૂરી થાય છે. મહત્વનું છે કે અહીં હનુમાનજીનુ બાલાજી રૂપ બિરાજમાન છે. પરંતુ તમને આ વાત જાણીને આશ્ચર્ય થશે કે અહીં અલગ-અલગ સમસ્યાઓ માટે ત્રણ અલગ રંગના નારિયેળ અર્પણ કરવામાં આવે છે. જાણો મંદિર સાથે જોડાયેલી અમુક ખાસ વાતો. 

જાણો નારિયેળના અલગ-અલગ રંગનુ રહસ્ય 

મંદિરને લઇને એવી માન્યતા છે કે અહીં જે પણ અરજી કરે છે, તેમની દરેક મનોકામના જલ્દી પૂરી થાય છે. પરંતુ સામાન્ય મંદિરોની જેમ અહીં અરજી કરવાની રીત થોડી અલગ છે. અહીં બાલાજીની સામે પોતાની સમસ્યાને એક કાગળ પર લખીને નારિયેળ પર રાખીને કપડામાં બાંધીને સમર્પિત કરવાની હોય છે. એવુ કહેવામાં આવે છે કે જેવી અરજી થાય છે, તે મુજબ તેવા રંગના કપડામાં અરજી થાય છે.

1. લાલ રંગમાં થાય છે આ અરજી- નોકરી, કોર્ટ-કચેરી, પ્રોપર્ટી વગેરે સાથે સંબંધિત સમસ્યાઓ માટે લાલ રંગના કપડામાં અરજી કરવામાં આવે છે.
2. પીળા રંગમાં થાય છે આ અરજી- પરિવારમાં કોઈના લગ્ન થઇ રહ્યાં નથી, અથવા સંબંધ આવતા નથી તો પીળા રંગના કપડામાં અરજી કરવામાં આવે છે.
3. કાળા રંગમાં થાય છે આ અરજી- એવુ કહેવામાં આવે છે કે જો કોઈ જાતકની સમસ્યા પ્રેત બાધા સાથે જોડાયેલી છે, તો તેની અરજી કાળા રંગના કપડામાં કરવામાં આવે છે.