બદાયૂંથી લોકસભા ચૂંટણી 2019 માટે ભારતીય જનતા પાર્ટીનાં ઉમેદવાર સંઘમિત્રા મૌર્યનો એક વીડિયો સામે આવ્યો છે. જેમાં તેઓ પોતાનાં સમર્થકોને કથિત રૂપથી ખોટું મતદાન કરવા માટે પ્રેરિત કરે છે.
બદાયૂંથી લોકસભા ચૂંટણી 2019 માટે ભારતીય જનતા પાર્ટીનાં ઉમેદવાર સંઘમિત્રા મૌર્યનો એક વીડિયો સામે આવ્યો છે કે જેમાં તેઓ પોતાનાં સમર્થકોને કથિત રૂપથી ખોટી રીતે મતદાન કરવા માટે પ્રેરિત કરી રહેલ છે. વીડિયો સોશિયલ મીડિયા પર વાયરલ થઇ રહેલ છે. જેમાં સંઘમિત્રા મૌર્યએ એક જનસભામાં પોતાનાં કાર્યકર્તાઓને સંબોધિત કરતા જોવાં મળી રહેલ છે અને તેઓને કહી રહી છે કે, 'જે વ્યક્તિ હાજર નથી, તેઓનું મતદાન ચોરી-છુપીથી કરી કરી શકે છે.'
હંસી-ઠહાકોની વચ્ચે સંઘમિત્રા કહી રહી છે કે, 'એક પણ વોટ બચવો ના જોઇએ પછી ભલે ખોટો વોટ કેમ ના નાખવો પડે, વોટ જરૂર કરજો. જે લોકો બહાર છે, અહીં હાજર નથી, તેઓનો વોટ બેકાર ના જવો જોઇએ. આટલું બધું તો ચાલે છે ચૂંટણીઓમાં.' જો કે વીટીવી આ વીડિયોની પુષ્ટિ કરતું નથી.
આ મામલા પર જિલ્લાધિકારી દિનેશ કુમાર સિંહ સાથે સંપર્ક કરવા પર તેઓએ જણાવ્યું કે, હાલમાં તેઓને આ વીડિયો અંગેની કોઇ જ જાણકારી નથી. જો કે તેઓએ આ મામલાને જોવાંનો વિશ્વાસ અપાવ્યો છે. તમને જણાવી દઇએ કે સંઘમિત્રા તે ઉત્તર પ્રદેશનાં કેબિનેટ મંત્રી સ્વામી પ્રસાદ મૌર્યની પુત્રી છે અને ભાઇ અશોક મૌર્ય પણ બીજેપીમાં જ છે. સંઘમિત્રા મૌર્યનાં પતિ નવલ કિશોર શાક્યએ ગયા વર્ષે બીજેપી સાથે સંબંધ તોડીને સપાનું દામન થામી લીધું હતું. નવલ કિશોર વર્તમાન સમયમાં સપામાં છે.
સંઘમિત્રા આ પહેલાં પણ વિવાદિત નિવેદનને લઇને સમાચારોમાં સામે આવી ચૂકેલ છે. એક વાર સંઘમિત્રાએ કહ્યું હતું કે, 'ગુંડાગર્દીની કોશિશ થઇ તો તે સ્વયં પોતે જ ગુંડી બની જશે. મૌર્યનો મુકાબલો ગઠબંધન ઉમેદવાર અને મુલાયમ પરિવારનાં સભ્ય ધર્મેન્દ્ર યાદવથી છે.
#WATCH Sanghamitra Maurya,BJP(UP Min SP Maurya's daughter):Apna aashirwaad mujhe dain,agar aapke beech koi gundagardi karane aata hai toh un gundon se bhi badi gundi Sanghamitra ban jaayegi agar kisi ne yahan par aapke samman,swabhimaan ke saath khilwad karne ki koshish ki (27.3) pic.twitter.com/2U7P0mvCHT