રણબીરને 9 માર્ચના રોજ કોરોના થયો હતો અને તેના કારણે રણબીરની લાંબા સમયથી અટકેલી ફિલ્મ બ્રહ્માસ્ત્રનુ ટ્રેલર લોન્ચનુ એલાન કરવા માટે જે વીડિયો શૂટ કરવાનુ હતુ તેને પોસ્ટપોન કરવુ પડ્યુ છે.
2018થી ચાલી રહી છે શૂટિંગ
બ્રહ્માસ્ત્ર રણબીર કપૂર માટે એક એવી ફિલ્મ બની ગઇ છે જે તેના કરિયર ગ્રાફને નીચે લઇ જઇ રહી છે. રણબીર 2018થી આ ફિલ્મની શૂટિંગ કરી રહ્યા છે પરંતુ કોઇ ને કોઇ કારણોસર ફિલ્મ બની જ નથી રહી. 2019ના પ્રયાગરાજ કુંભમાં રણબીર અને આલિયાએ આ ફિલ્મનુ સાથે પ્રમોશન કર્યુ હતુ. લાખો ડ્રોનની મદદથી આકાશમાં બ્રહ્માંડ લખવામાં આવ્યુ હતુ. આ બધી જ પ્રમોશનલ એક્ટિવીટી બેકાર ગઇ કારણકે ફિલ્મ બનીને તૈયાર થઇ શકી જ નથી.
300 કરોડ ઉપર બજેટ
ફિલ્મ બ્રહ્માંડનુ બજેટ 300 કરોડ કરતા ઉપર જતુ રહ્યું છે. જેના કારણે કરન જોહરની ચિંતા વધી ગઇ છે. કારણકે આ ફિલ્મના પ્રમોશનમાં પણ પૈસા લાગશે અને શું ફિલ્મ હિટ થશે કે નહી તે પણ એક મોટો સવાલ છે. મેકર્સ આ વાતને લઇને ટેન્શનમાં છે.
રણબીર વગર આલિયાએ ઉજવ્યો જન્મદિવસ
15 માર્ચના રોજ આલિયાનો જન્મદિવસ હતો અને ફેમિલી તેમજ ફ્રેન્ડ્સ સાથે તેણે ધામધૂમથી ઉજવ્યો હતો બસ તેમાં રણબીર હાજર નહોતો. રણબીર ન આવી શક્યો પણ તેને નીતૂને આલિયાના ઘરે મોકલી હતી. આલિયાએ નીતૂ સાથે જન્મદિવસ સેલિબ્રેટ કર્યો હતો.
આલિયાએ તસવીર કરી પોસ્ટ
આલિયા ભટ્ટે જન્મ દિવસ ખુબ જ ધામધૂમથી સેલિબ્રેટ કર્યો અને તેની તસવીરો પણ સોશ્યલ મિડીયામાં વાયરલ થઇ હતી. આલિયા ખુબ જ ખુશ દેખાઇ રહી હતી.