રાજ્યમાં માવઠાને કારણે કેરીના પાક પર પણ અસર થઈ છે. ખરાબ હવામાનના કારણે આ વર્ષે કેસર કેરી 15 દિવસ મોડી આવશે.
કમોસમી વરસાદની કેરીના પાકમાં અસર
કેસર કેરી 15 દિવસ મોડી આવશે
માવઠાને કારણે કેરીની આવકમાં પણ ઘટાડો
ગુજરાતના હવામાનમાં છેલ્લા કેટલાક દિવસથી મોટો પલટો આવ્યો છે તેમાં ખાસ કરીને સૌરાષ્ટ્ર, મધ્ય ગુજરાત અને ઉત્તર ગુજરાતમાં વરસાદ અને કરાં પડતા ખેત પેદાશોને ભારે નુકસાન થયું છે. રાજ્યમાં કમોસમી વરસાદ થતાં કેસર કેરી, ઘઉં અને જીરુંના પાકને નુકસાન થયું છે.
ખરાબ હવામાનથી કેસર કેરી 15 દિવસ મોડી આવશે
રાજ્યમાં કમોસમી વરસાદની કેરીના પાકમાં અસર થઈ છે. એવું કહેવામાં આવી રહ્યું છે કે, કમોસમી વરસાદના કારણે કેસર કેરી 15 દિવસ મોડી આવશે. કેરીના પાક પર અસર થતા કેરીની આવકમાં પણ ઘટાડો થશે. આ વર્ષે માર્ચના અંત સુધીમાં કેસર કેરીની આવક શરૂ થશે. અત્યારે રત્નાગીરી, હાફૂસ, કેરળની હાફૂસ, પાયરી, સુંદરી અને બદામ કેરી આવી રહી છે.
કેરીની આવકમાં પણ ઘટાડો થયો
અમદાવાદ ફ્રૂટ માર્કેટમાં હાલ દરરોજ 8થી 10 ટ્રક કેરીની આવક થઈ રહી છે. કેરીના પાક પર અસર થતા કેરીની આવકમાં પણ ઘટાડો થયો છે. સિઝનમાં વિવિધ જાતની કેરીની રોજની 40થી 45 ટ્રક આવક થતી હોય છે. માવઠાને કારણે હાલમાં રોજ માત્ર 8થી 10 ટ્રક કેરીની અવાક થઇ રહી છે. જેના કારણે કેરીના ભાવમાં પણ વધારો થયો છે. હાલ રત્નાગીરી હાફૂસના 2 ડઝનનો ભાવ 1 હજાર 300થી 1 હજાર 500 રૂપિયા છે. જ્યારે કેસર કેરીનો 10 કિલોનો ભાવ 1 હજાર 500થી 1 હજાર 700 રૂપિયા છે અને બદામ કેરીનો 10 કિલોનો ભાવ 800થી 1 હજાર રૂપિયા છે.